ខគម្ពីរពេញនិយមពី Ɔrɔ 11

ចែក​រំលែក

Bari fɛɛn bɛɛ bɔra ale lo la, ale lo y'u bɛɛ dan, u kɛra a ta ye. Boɲa ka la ale kan tuma bɛɛ la! Amiina.

Ala dafanin lo, hakilitigiya ni lɔnniya la! Mɔgɔ te se k'a ka kolatigɛninw faamu, a ka koo fana te se ka faamu.

A fɔra Ala ka kuma na ko: «Jɔn le ye Matigi ka miiriya lɔn? Walima jɔn le kɛr'a ladibaga ye?»

O cogo la, bii fana dɔw be yen minw kɛra u tɔɔ ye, Ala ye nɛɛma kɛ minw ye k'u woloma. Nga ni wolomani nin be kɛ Ala ka nɛɛma barika la, kɛwali niin t'o la tugu, n'o tɛ, o te kɛ nɛɛmako ye tugu.

Isirayɛlidenw be i n'a fɔ olivuyiri min tutunin bɛ foro kɔnɔ, aw siya wɛrɛw be i n'a fɔ waga kɔnɔ ta. U ye foro kɔnɔ ta bolo dɔw tigɛ, k'aw ta ka nɔrɔ o nɔɔ na janko aw ka nɛɛma sɔrɔ o juu fɛ. O kama, i kana i yɛrɛ boɲa, ka bolo tigɛninw lɔgɔbɔ bari i te yiri juu ye, i ye bolo le ye.