ខគម្ពីរពេញនិយមពី Mat 7

ចែក​រំលែក

«Aw k'aw ka makoyafɛn daali Ala fɛ, a bena o d'aw ma. Aw mako be fɛɛn min na, aw k'o ɲini, aw ben'a sɔrɔ. Aw ka daa kɔkɔ, daa bena yɛlɛ aw ye.

Bari mɔgɔ o mɔgɔ man'a makoyafɛn daali Ala fɛ, Ala bena o di o tigi ma. Min man'a makoyafɛn ɲini, o tigi b'o sɔrɔ. Daa bena yɛlɛ daa kɔkɔbaga ye.

«Ne ye kuma minw fɔ sisan, ni mɔgɔ min y'o bato, o tigi be i n'a fɔ hakilitigi min y'a ka boon lɔ fara kan.

«Aw b'a fɛ mɔgɔ tɔw ka koo min kɛ aw ye, aw fana k'o ɲɔgɔn kɛ u ye. O le fɔra sariya ni kiraw ka sɛbɛw kɔnɔ.

Aw ka sirafitini ta ka taga don ni dafitini ye, a taama kɔni ka gwɛlɛ, a taabagaw man ca, nga a be taga ni mɔgɔ ye hɛrɛ yɔrɔ la.

«Aw ka sirafitini ta. Siraba kɔni taama ka di, nga a be taga ni mɔgɔ ye halakiyɔrɔ la. Mɔgɔ caaman do b'o le ta.

Aw minw ka jugu, n'aw be sɔn ka fɛnɲumanw di aw deenw ma, aw Faa min be sankolo la, ale tena fɛnɲuman di a daalibagaw ma ka tɛmɛ aw ta kan wa?

«Aw kana tɔw kiti, janko Ala kana aw kiti. Aw be tɔw kiti cogo min na, Ala bena aw kiti ten. Aw be tɔw ta suma ni sumanikɛfɛn min ye, Ala fana bena aw ta suma n'o le ye.

Nga, mɔgɔ min b'o kuma mɛn, n'a t'a bato, o tigi be i n'a fɔ naloman min y'a ka soo lɔ cɛncɛn kan.

Kalafitini min b'i balima ɲaa na, mun na i b'o filɛ k'a sɔrɔ lɔgɔkuru b'i ta la, i t'o ye wa? I do be se k'a fɔ i balima ye cogo di ko: ‹A to n be kala nin bɔ i ɲaa na›, k'a sɔrɔ lɔgɔkuru b'i ta la?

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo. Aw bena u lɔn u ka kɛwaliw fɛ. Mɔgɔ te pekun tigɛ ŋɔniyiri kan. Toro fana te sɔrɔ balansanyiri la.

Yiriɲuman deen le ka di, nga yirijugu deen man di.

Yiriɲuman te se ka denjugu kɛ, yirijugu fana te se ka denɲuman kɛ.

Yiri o yiri te denɲuman kɛ, u bena o tigɛ k'a fili tasuma na.