ខគម្ពីរពេញនិយមពី Mat 24

ចែក​រំលែក

Kojugu bena fanga sɔrɔ fɔɔ mɔgɔ caaman tena Ala, n'u tɔɲɔgɔnw kanu tugu. Nga ni mɔgɔ min muɲuna fɔɔ ka taga se a laban ma, o tigi bena kisi.

Ala ka kibaru diman bena fɔ diɲɛ yɔrɔ bɛɛ la, waasa Alalɔnbaliw bɛɛ k'a koo mɛn. O kɔ, diɲɛ laban be sɔrɔ ka se.

Aw bena kɛlɛw kibaru, ani kɛlɛw mankan mɛn. Aw hakili kana ɲagami. Wajibi lo o koow ka kɛ, nga o te diɲɛ laban ye.

Siya dɔ bena wili siya wɛrɛ kama. Jamana dɔ bena wili jamana wɛrɛ kama. Kɔngɔ bena don yɔrɔ dɔw la, dugukolo bena yɛrɛyɛrɛ yɔrɔ dɔw la fana. O koow bɛɛ bena kɛ tɔɔrɔw daminɛ ye, i n'a fɔ muso ka tiin daminɛ.

Sankolo ni dugukolo bena tɛmɛ, nga ne ka kuma tena tɛmɛ.

Bari, mɔgɔ caaman bena na ne tɔgɔ la k'a fɔ k'olu ye Ala ka Mɔgɔ wolomanin nin ye ka mɔgɔ caaman fili.

U bena tɔɔrɔ la aw kan, u bena aw faga, Alalɔnbaliw bɛɛ bena aw kɔniya ne tɔgɔ kosɔn. O waati la, mɔgɔ caaman bena Alasira bila, u bena ɲɔgɔn janfa ka ɲɔgɔn kɔniya. Mɔgɔ caaman bena wili ka galon tigɛ k'olu ye kiraw ye, u bena mɔgɔ caaman fili.

Yezu y'u jaabi ko: «Aw k'aw yɛrɛ kɔlɔsi janko mɔgɔ si kana aw fili.

O kosɔn, aw fana labɛnnin ka kan ka to, bari aw te miiri waati min koo la, o waati la Mɔgɔ Dencɛ bena na.

O la, aw labɛnnin ka to, bari aw t'aw ka Matigi nalon lɔn.

«Mɔgɔ si t'o loon n'o waati lɔn. Hali mɛlɛkɛw ni Ala Dencɛ t'a lɔn, fɔɔ Faa Ala kelenpe.

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Koo min tun kɛra Nuhun ka tile la, o ɲɔgɔn bena kɛ fana Mɔgɔ Dencɛ natuma la. Bari sanni jiba ka na, mɔgɔw tun be dumunibabaw kɛ ka minni kɛ, ani ka furu fɔɔ ka taga se Nuhun donlon ma kurunba kɔnɔ. O tun te miiri foyi la, fɔɔ jiba nana u halaki. Mɔgɔ Dencɛ ka nako bena kɛ ten fana.