ខគម្ពីរពេញនិយមពី Bɔk 3

ចែក​រំលែក

Ala y'a fɔ Musa ye ko: «Ne tɔgɔ ko ‹Ne ye min ye, n y'o ye.› I ben'a fɔ Isirayɛlidenw ye ko ‹Ne ye min ye› le y'i ci u fɛ.»

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

A ko: «I kana gwɛrɛ yan yɔrɔ la. I ka sanbara bɔ. Bari i lɔnin be yɔrɔ min na, o ye yɔrɔ senuman ye.

Masaba y'a fɔ tugu ko: «Ne ye n ka jama ka sɛgɛn ye Ezipiti jamana na, k'u kasikan mɛn u ka baarakuntigiw bolo. Ne b'u ka tɔɔrɔkow kala ma. O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Masaba ka mɛlɛkɛ y'a yɛrɛ yira Musa la tasuma na yiritunin dɔ cɛma. Musa y'a filɛ, a y'a ye ko tasuma tun be manana tuu nin kan, nga a tun te jɛni.

O la, ne b'i ci Ezipiti masacɛ fɛ sisan waasa i ka taga ne ka jama Isirayɛli bɔ Ezipiti.»