ខគម្ពីរពេញនិយមពី Bɔk 11

ចែក​រំលែក

Masaba y'a fɔ Musa ye ko: «Ne bena tɔɔrɔ dɔ wɛrɛ lase Ezipiti masacɛ ni Ezipitikaw ma tugu. O seen fɛ, a ben'a to aw be taga. O tuma na, a bena aw gwɛn ka bɔ yan yɛrɛ.

Ezipitikaw ka deen fɔlɔw bɛɛ bena sa, k'a ta Ezipiti masacɛ deen fɔlɔ ma ka ta'a bila jɔnmuso deen fɔlɔ ma, min be sinni kɛra. Begɛnw deen fɔlɔw fana bena sa. Kulekanba bena bɔ Ezipiti jamana faan bɛɛ la, min ɲɔgɔn ma deli ka kɛ, n'a ɲɔgɔn tena kɛ tugu fana.

Masaba y'a fɔ Musa ye ko: «Ezipiti masacɛ tena sɔn ka mɛnni kɛ i fɛ, janko ne ka kabakow ka caya Ezipiti jamana kɔnɔ.»