ខគម្ពីរពេញនិយមពី Kor fɔlɔ 11

ចែក​រំលែក

O cogo kelen na, dumuni bani kɔ, a ye duvɛn mina ta, k'a fɔ ko: «Nin ye ne joli ye, Ala ka bɛnkura tara ni min ye. Tuma o tuma n'aw b'o min, aw k'aw hakili jigi ne la.» Bari tuma o tuma n'aw y'o buru nin dumu k'o duvɛn nin min, aw be Matigi ka saya le koo fɔ, fɔɔ a ka kɔsegi ka na.

Ne ye min sɔrɔ Matigi fɛ, k'aw kalan n'a ye, o filɛ: Suu min na u ye Matigi Yezu don mɔgɔjuguw bolo, a ye buru ta, ka barika la Ala ye k'a tilantilan. O kɔ, a y'a fɔ ko: «Nin ye ne farisogo ye, o min dira aw kosɔn, aw k'o dumu k'aw hakili jigi ne la.»

O la, mɔgɔ kelen kelen bɛɛ k'a yɛrɛ sɛgɛsɛgɛ, ka sɔrɔ ka buru nin dumu ani ka duvɛn nin min, bari mɔgɔ min b'o dumuni nin kɛ k'o minni nin kɛ, n'o tigi m'a jati ko Matigi farisogo lo, a b'a yɛrɛ jalakiko le kɛra.

O le y'a to ni mɔgɔ dɔ ye Matigi ka buru dumu, k'a ka duvɛn min cogo bɛnbali la, o tigi b'a yɛrɛ jalakiko le kɛ.

Aw ka kɛ ne ladegebagaw ye, i n'a fɔ ne fana kɛra Krista ladegebaga ye cogo min na.