ខគម្ពីរពេញនិយមពី Éxodo 20

ចែក​រំលែក

“Che ko jae peTumpa aikoño mái wae ponoe ɨwɨ Egipto wi wae. Joko pe täta piyeyokuise Egipto pewa reta pe,” jei. “Awɨye penoi ambɨe petumparä chewi,” jei.

“Awɨye piyapo peyupe mbae petumparaangarä – mbaembae ara pe ñonoï wae jaanga, jare mbaembae ɨwɨ pe ñonoï wae jaanga, jare mbaembae ɨ pe ñonoï wae jaanga awɨye piyapo peyupe. Awɨye awe piñeñono ɨwɨ re pipɨu rewe pembɨadora waerä tumparaanga reta re. Echa’ä cheeño ko jae peTumpa aikoño mái wae, jare che ko pumbɨete aï wae. Jare aiporarakata aï opaete chererɨ̈ro wae reta pe, isambiaɨ reta pe, jumɨmino reta pe, jare jumɨmino yuapɨ ye reta pe wi,” jei.

“Pipɨu peru jare pesɨ wi, perekowe puku waerä ɨwɨ che, peTumpa, ameeta aï pewe wae pe,” jei.

“Pemanduata ko opa semana rupi ara mbutuu re jare jokua ara piñono teeta ko chemaerä.

“Awɨye cheree peniraangaiño pipɨu mbae rewe. Che, peTumpa aikoño mái wae, aiporarakata aï ipotawe kía pe cheree ueniraangaiño yawe,” jei.

Opa semana rupi, owa ara ime peparawɨkɨ waerä opaete pipota piyapo wae. Erëi chiu ara ko jae ara mbutuu uñeñono tee chemaerä wae. Jáeramo awɨye peparawɨkɨ jokua ara pe. Jare awɨye tuparawɨkɨ wi pesambiaɨ reta, jare pewe uyeyokui wae reta, jare perɨmba reta. Jare ambɨe ɨwɨ pewa iko pe ndiwe wae retawe awɨye tuparawɨkɨ jokua ara pe.

“Jare awɨye pepɨa pe pipotaete rewe pemae mbaembae perapicha jëta pe onoi wae re. Awɨye pemae pipotaete rewe perapicha jembireko re, jare perapicha pe uyeyokui wae reta re, jare iweye reta re, jare imburika reta re, jare ïru imbaembae reta re.” Jukuärái jei Tumpa Israel iñemoñaa reta pe.

“Awɨye papu pembɨjeko waerä perapicha,” jei.

“Awɨye piyapo awasa,” jei.

“Awɨye pepuruyuka,” jei.

“Awɨye pemonda,” jei.