ខគម្ពីរពេញនិយមពី Éxodo 16

ចែក​រំលែក

“¡Ikawita tëi ko ndupɨtaño waerä ɨwɨ Egipto pe!” jei reta. “¡Ikawita tëi ko Tumpa upɨ̈ro waerä orerekowe ɨwɨ Egipto pe! Erëi pe reta orereru kua ɨwɨtini wasu pe orerowaruru numano waerä. Erëi ɨwɨ Egipto pe uata’ä etei iko orewe orerembiurä,” jei reta Moisés jare Aarón pe. Jáeramo Tumpa jei Moisés pe: “Mase, che ambouta pewe mbɨyape ara wi, roɨ oa ɨwɨ re wae rami,” jei. “Erëi opa ndimbowe rupi, opaete wae oë omonoo reta yawe iyupe, tomonoo jokua ara pewaräño. Jukuärái uyekuaata uyapota ra reta che jae aï wae rupi, ani uyapota’ä ra reta,” jei.

Joko pe ñonoï reta yawe, opaete wae umbɨpɨ ye iyengeta reta Moisés jare Aarón pe, jare jei chupe reta kuärái

Moisés jei wi chupe reta: “Tumpa etei ko umeeta pewe soo peu waerä kaaru rupi. Jare ndimbowe rupi jae umeeta pewe jeta mbɨyape pepunga rewa. Echa’ä jae uyandu ma piyengeta ikotɨ wae. Añetete pe reta piyengeta orekotɨ yawe, Tumpa kotɨ etei ko piyengeta peï,” jei chupe reta.

“Ayandu ma Israel iñemoñaa reta iyengeta chekotɨ wae,” jei. “Emɨmbeu chupe reta kuärái: ‘Kaaru yawe, pe reta peuta soo. Jare ndimbowe yawe, peuta jeta mbɨyape pepunga rewa. Jukuärái pikuaa kawita che ko jae peTumpa aikoño mái wae.’ Jukuärái emɨmbeu chupe reta,” jei Tumpa Moisés pe.