ខគម្ពីរពេញនិយមពី Chivkeeb 25

ចែក​រំលែក

Tug TSWV has rua nwg has tas, “Muaj ob tsaav tuabneeg nyob rua huv koj plaab; Koj yuav yug tau ob tsaav tuabneeg kws yuav sis tawmtsaam. Ib tug yuav muajzug tshaaj ib tug; Tug tij yuav ua tug kwv qhev.”

Nwg has rua Yakhauj tas, “Kuv tshaib plaab kawg le, thov muab koj cov taum lab mivntsiv pub rua kuv noj.” (Tub yog vimle ntawd txhaj muab Exaus tis npe hu ua Edoos.)

Vim Lenpekas xeeb tsi taug tub le, Ixaj txhaj thov tug TSWV pub rua Lenpekas. Tug TSWV txhaj teb Ixaj tej lug thov, hab Lenpekas txawm xeebtub lawm.

Exaus teb tas, “Ua le kag! Kuv tub yuav tuag tshaib ntawm nuav, lub nyuas meejmom tub hlub xwb yuav muaj nujnqes dlaabtsi rua kuv?” Yakhauj teb tas, “Koj yuavtsum coglug uantej rua kuv tsaiv has tas koj yuav muab lub meejmom tub hlub rua kuv.” Exaus txhaj coglug hab muab nwg lub meejmom tub hlub rua Yakhauj.

Tug thib ob yug lug, nwg txawm tuav rawv Exaus lub laujtaws. Yogle ntawd, txhaj tis nwg lub npe hu ua Yakhauj. Ixaj muaj noobnyoog raucaum xyoo rua thaus yug ob tug tub ntxaib ntawd.

Ixaj nyam Exaus dlua, ruaqhov nwg nyam noj tej nqaj tsaj qus kws Exaus moog tua tau lug, tabsis Lenpekas nyam Yakhauj dlua.