ខគម្ពីរពេញនិយមពី Alawi 10

ចែក​រំលែក

Ni ayo Naadabu ni Abihu, achishaana a Naharuni, yahokusha kila mmoka inyipo awe yo upahera ubani, nkayaahelha mooro ni ubani, nkayaakumihera Apwiiya Nlhuku mooro uhinorumelhelhiya, wahaalheheriye ni Apwiiya Nlhuku.

Paahi vavawo ashinna Musa nkayeerelha Naharuni, “Wo ulha mwaha ulha Apwiiya Nlhuku ahowoonihani maana o alhe malhove yaahimmie aya alhe wiira, ‘Kinowiichoniha wiira mi ki ntakatifu, variyari wo alhe arii vakhiviru ni mi alhe, ni attu onkhaye anookithimicha mii!’ ” Naharuni nkayaamaalha yii.

Paahi vavawo vavawo, mooro waakhuma wa Apwiiya Nlhuku, wahokhuruwa, nkawaapaha yayo ashimirawo ayo, nkayaakhwacha.