ខគម្ពីរពេញនិយមពី Uchokholha 41

ចែក​រំលែក

Nayusufu nkayaakhulha Nafarao, “Akirina yeyo ipilhi iyo, nansho Nlhuku nouthaphulhelhani ittu yoombone.”

Paahi etu Nafarao aheerelhacha akavihi aya, “Yolha ntu ulha hanaa Iphumu ya Nlhuku! Chani, ninowooria umpatta ntu nkina thoko yolha?”

Nkeerelha Nayusufu wiira, “Ukhalhawaya Nlhuku houpatakulhelhani alha onkhaye alha, khaawo ntu nkina o irusho ni o wuupuwelha chittu choombone thoko inyuva. Inyuva phi nohalha weemelhelha ilhapo aka, ni attu aka onkhaye anoowiwelhelhani inyuva. Mii vekha aka, phi mulhupalhe upwahani, ukhalhawaya kinokhalhelha ihiche yo imwene.

Mwaamwanaya o nayelhi, ammanhe nchina nawe Efraimu, maana aya “waapatta ashaana.” Ukhalhawaya yaari yeeraka, “Nlhuku hokivaha ashaana mwiilhaponi mwaattwarushiya aka.”

Mwaamwanaya o nttara ammanhe nchina nawe Manase, maana aya “ulhiyalhiha” ukhalhawaya yaari yeeraka, “Nlhuku hokilhiyalhiha uhuva waka wonkhaye, ni waalhiyalha ashilhoko aya athumwanaka onkhaye.”