ខគម្ពីរពេញនិយមពី Uchokholha 39

ចែក​រំលែក

Apwiiya Nlhuku ahaareeriha Nayusufu, nkayaavara mitheko chaya rata. Nkayaakhalha unupani wa nkunya aya, Mmisri uyo.

Wo yoyo nlhatu uyo etu, Napotifa ahaavaha Nayusufu ikuru yo weemelhelhelha chittu chaya chonkhaye, ni Napotifa nkayaahiya uwehaweha ittu iriyoothe yaahikhalhe yolhia aya anene. Nayusufu yaari mmirawo orera ikhove ni o ushichira.

Paahi etu olhupalhe o weemelhelha ijera ayo nkayaathanlha Nayusufu ukhalha anyapara a attu attukiye onkhaye njerani mmo, kila ittu nkayaapangia wo ulheheriya ni Nayusufu.

Nkaakusha Nayusufu ni waattuka ujerani, waattukachiya aya attu yaattekilhe wa amwene. Nansho ata ujerani uwo, Apwiiya Nlhuku yaari vamoka ni Nayusufu, nkayaapangelha moombone, mpaka nkayaattuniya umihoolho wa olhupalhe o weemelhelha ijera iyo.

Paahi baada yo uvira mahuku, ahanu a Napotifa nkayaamirielha ishenye Nayusufu ni weerelha, “Nngwe mwakirupane.” Nansho Nayusufu nkayaakhota ni uweerelha ahanu a nkunya aya ayo, “Mena! Nkunya aka ulha va, hokivaha ikuru wo kila ittu vawani va, ni ukhalhawaya mii kihaawo, khanopanga ittu iriyoothe tho. Vawani va khaawo mulhupalhe nokipwaha mii. Khanakichiichiha uvara ittu iriyoothe, yaahikhalhe inyuva, ukhalhawaya inyuva ahanu aya. Kinoorieke chaani etu uwonya thoko chommo, ni unttekelha Nlhuku?”

Nkanaakhalha nihuku nimoka Nayusufu naakenlhe aya mpaani uvarani ntheko waya thoko chaapanga aya, ni mmo khaariwo anamitheko akina. Paahi ahanu a Napotifa ahaavara Nayusufu mwiinjiro aya ni weerelha, “Nkirupane!” Nansho Nayusufu nkayaakulhuphuwa, nkayaahiyera mwiinjiro aya uyo anavarenlhe mmathathani, nkayaattawelha vathe.