ខគម្ពីរពេញនិយមពី Uttawa 10

ចែក​រំលែក

Apwiiya Nlhuku nkayeerelha ashinna Musa, “Nrweeke u Nafarao, ukhalhawaya mii kihaathepiha itiyamaru, koonihe yayo vamoka ni anamitheko aya olhupalhe cho ushangiha cho woopiha munlhokoni mwaya, wiira ni inyu mmwe mwaahimiachera achishaana inyu ni ashichulhu inyu, chinre aka wo waapangelha mattepwa attu o Umisri, wo upanga chechiyo cho ushangiha cho woopiha chiyo munlhokoni mwaya. Vavawo nchuwelhe wiira, mii phi Apwiiya Nlhuku.”

Apwiiya Nlhuku nkayeerelha ashinna Musa, “Ntheeshe moono inyu wiirimu, ipiphi yulhupalhe ikhalhe vachulhu ilhapo yo Umisri, attu yaapapelhe mwiipiphini.” Paahi ashinna Musa nkayaathesha moono aya wiirimu, nkayaakhalha ipiphi totoro ilhapo yonkhaye yo Umisri wo mahuku mararu. Attu khayoonrie woonana ntu ni nkhunanawe, mena uthama ntu vakitu vaaria awe wo mahuku mararu. Nansho Ugosheni, waakhalha aya Aisraeli, waari nkwee, wo uhikhalha ipiphi.

Paahi ashinna Musa ahothesha ikopo aya vachulhu ilhapo yo Umisri. Apwiiya Nlhuku nkayaawukiha iphioo ukhuma unosha nchuwa uthana ni uhiyu wonkhaye. Waashelhe waya iphioo ilhe nkayaakurusha anashombe. Ni anashombe nkayaakhuruwa ni uwanelha kila vakittu ilhapo yonkhaye yo Umisri. Yaari enchi chinene, ahinapacha ukhalha thoko yayo ikatema ivinre mena khanowa yaakhumelhelha thoko yayo tho.