ខគម្ពីរពេញនិយមពី Malakaus 12

ចែក​រំលែក

Yexus teb tias, “Thawj nqe uas tseemceeb dua ntais yog nqe no: ‘Cov neeg Yixalayees, nej ua tibzoo mloog! Tus Tswv uas yog peb tus Vajtswv, Nws tibleeg xwb thiaj yog tus Tswv. Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg lajlim tswvyim, thiab kawg dag kawg zog.’ Nqe kevcai uas tseemceeb thib ob hais li no tias, ‘Koj yuavtsum hlub koj tus kwvtij zejzog ib yam li koj hlub koj tuskheej.’ Yeej tsis muaj dua lwm nqe kevcai uas yuav tseemceeb tshaj ob nqe no lawm.”

Yexus txawm hu Nws cov thwjtim los thiab hais rau lawv tias, “Kuv qhia tseeb rau nej hais tias, tus pojntsuam uas pluag-pluag no tseem tso nyiaj rau hauv lub thawv ntau dua lwmtus huv tibsi. Rauqhov lwmtus muab tej nyuag uas seem ntawm lawv txoj kev npluanuj tuaj tso xwb; tiamsis tus pojniam no txawm yog nws twb pluag npaum li ntawd los nws tseem muab tagnrho tej uas nws muaj, nws muab kiag qhov nyiaj uas yug nws txojsia tuaj tso.”

Yexus nyob ze rau ntawm lub thawv tso nyiaj hauv lub Tuamtsev, Nws saib cov neeg uas coj lawv tej nyiaj tuaj tso. Muaj ntau tus neeg npluanuj tso nyiaj ntau kawg li; thaum ntawd muaj ib tug pojntsuam pluag-pluag tuaj thiab muab ob lub nyuag txiaj toog liab me-me uas raug nqi li ib lub nyuag npib liab tuaj tso rau hauv.

Thiab koj yuav tau hlub Vajtswv kawg siab kawg ntsws, kawg lajlim tswvyim, thiab kawg dag kawg zog; thiab koj yuavtsum hlub koj tus kwvtij zejzog ib yam li koj hlub koj tuskheej. Qhov uas ua rawsli ob nqes kevcai no tseem tseemceeb dua li muab tej tsiaj tua theej txhoj, thiab muab khoom hlawv fij rau Vajtswv.”

Yexus thiaj hais tias, “Yam uas yog Xixas li ciali muab rau Xixas, thiab yam uas yog Vajtswv li ciali muab rau Vajtswv.” Thaum lawv hnov Yexus teb li ntawd, lawv xav tsis thoob li.