ខគម្ពីរពេញនិយមពី Klei Kbiă 12

ចែក​រំលែក

Kyuadah mlam anăn Kâo srăng găn tar čar Êjip, leh anăn Kâo srăng bi mdjiê jih jang anak khua hlăm čar Êjip, wăt mnuih leh anăn mnơ̆ng rông; leh anăn Kâo srăng ngă klei phat kđi bi kdơ̆ng hŏng jih jang yang čar Êjip. Kâo jing Yêhôwa. Êrah srăng jing klei bi knăl kơ diih ti sang diih dôk. Tơdah Kâo ƀuh êrah, Kâo srăng găn ti dlông diih, leh anăn amâo srăng mâo klei ruă tưp bi rai diih ôh hlăk Kâo ngă kơ čar Êjip.

Hruê anei srăng jing kơ diih sa hruê bi hdơr. Brei diih pioh ñu jing klei knăm kơ Yêhôwa. Hlăm jih jang ênuk brei diih pioh klei knăm anei jing klei mtă hlŏng lar.

Leh anăn tơdah phung anak diih êmuh kơ diih, ‘Ya čiăng mblang bruă anei?’ brei diih lač, ‘Klei anei jing klei ngă yang knăm Klei Găn hdơr kơ Yêhôwa, kyuadah Ñu găn leh ti dlông sang phung ƀuôn sang Israel hlăm čar Êjip, Ñu bi mdjiê phung Êjip, ƀiădah bi mtlaih phung sang drei.’ ” Phung ƀuôn sang kkui kŏ leh anăn kkuh mpŭ.