ខគម្ពីរពេញនិយមពី Mag 13

ចែក​រំលែក

Le bininfob biɛn na yin nan ni le naah nɔɔm n bu. Wan mu nan fir ki jin fala nmɔn ki tan diɛ ke, u yaa daan mu li kan nŋmarim.

Ni li guu man, ki li ka lig naah kaa nyi lidaal man wee n na yin jirin ni bu.

Bi nan ta ni ki jon bibɔjib ban ke, ni laa che ni mug ni naah li pag man ni, n-yonn nmɔn nan foo ke, Kasi a Naaŋ li wɔɔn ni naah li pag man, tibɔr tan wee ni na yin pag nmɔn kaa na yin ye ni baantɔɔl a bɔri, ni na yin nya Kasi a Naaŋin ban le.

Papaab nin tum na li jo, amaa n bɔr nan kaa li nyi ki jo.

“Uba kaa nyi lidaal nmɔn ni bee n-yonn man wee n li jirin ni. Malakam ban be Uwonbɔr a niin nan kaa nyi, min Uwonbɔr a Bija mu kaa nyi; see Uwonbɔr a binba le nyi.

Ni na li gbir ke bininfob tog tab bitɔb nan mal nin dindanl; amaa ni laa san bijawaami. Ni kpaan le ke ni niɛ nan biɛn ye ni tun amaa naa ye dulinya a fiim le yen ni.

“Ni mu li guu man, nan bu-n naa nyi lidaal man wee ni yudaau yin jirin ni, niba ke kujɔɔg, bee kunyiɛgtasiig, bee kutaayɔg, bee njakpiin. Ni ye u nan jirin weem ke, naa ŋan ni u nan kan ni n miin ni jiɛn ni. Mambu, maah bei ni man nan, man le n bei uninfo biɛn, ni li guu man.”

Libol nin libol na li kɔn nin tab; le nnaam miba a ninfob nin mitɔ na li to tab bitɔb. Kutingbɔŋ biɛn na li dam. Le nkom na li be. Ni na yin be le ke nmarwiɛn a piinim.

Bi na li mɔɔn tibɔŋann nmɔn ki sei libol biɛn. Le n-yonn nmɔn ni foo.

Bininfob takpem le na yin dan ki ta n yinl ki yin bi ba ke bi ma ye min Yisa, ki lar bininfob takpem.

“Ni li guu ni ba man. Bi na li choo ni ki ta ni jo bibɔjib ban ki boo ni tiwonjiɛndirin. Min bu ni na li sir ntim a ninkpeeb nin bibɔrtiib a nintogil, ki bei bi n bɔŋann ni.

Bilinlarib na li be. Biba mu na li bei ke bi ye Masiya le. Biba mu na li len ke bi ye Uwonbɔr a linlem le. Bi na li tun ligaril a toonl nin ligaril a siɛra ki pɔɔn bi ba ki lar Uwonbɔr a ninfogannkaab.

“Amaa iyaayoo, limugil nan a bɔɔn, ‘nween na li bɔŋ, le uŋmal kaa ji yin ween ni, le iŋmabil na yin nya papaab le ki lur, le nan be paab biɛn na li dam dam.’