ខគម្ពីរពេញនិយមពី Lug 3

ចែក​រំលែក

N-yonn man wee bininfob biɛn nan gaa Uwonbɔr a nyunfulin, le Yisa mu nan gaa Uwonbɔr a nyunful. Le waah nan be miɛ Uwonbɔrin le paab loor, le Kasi a Naaŋ jiirin u bu nin tigbanann ki nann ulanjel. Le likukɔl nyan paab ki len ke, “Fin le ye n bija, wan wee n jiɛ; fin le n num gbee.”

Le Jɔnn jiin bei bi biɛn ke, “Min fun ni nnyum le, amaa wan jom chaan, wan a naatagil ŋmim wee maa kpaan n gbinn ni. U na li fu ni Kasi a naaŋ nin nŋmi ki ŋunn ni jaginn.

Ni li lo iloon yan wɔɔn ke ni sin kpenn ni binbema. Wee ki laa piin ki bei ni ba ke, ‘Ti jɔɔ Abiraham wan ye ti yaaja.’ N bei ni le, Uwonbɔr li fir che itangbag yan be nan n kpann Abiraham a yaabili.

Lilajal pii be isiig a nyagin, ki li gaa busub ban biɛn kaa lo iloon ŋan ki jaa tum ki ta bi gab nŋmi ni.”

A li ke naah sɔb ulinlenn Azaya a gbɔŋin ke: “Uba a kukɔl le be kukunkɔɔg bu ki yi, ‘Mann Uyudaan a sama, mann u sam wee mi li tel ki sei u. Nfatam biɛn na li gbeen, ijɔɔ nin igungon biɛn na li ber ki naa tum, tisangɔnn biɛn na li naar, tisanbogir biɛn piin. Uninfosaal biɛn na li kan Uwonbɔr a feeja.’ ”