ខគម្ពីរពេញនិយមពី Litoonl 2

ចែក​រំលែក

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Le bi nan ta bi saŋi ki tinn itoon nmɔn a wɔɔm ki jɔɔ nɔɔ nin tab, ki lagin ji tijiir, ki lagin tab ki miɛ Uwonbɔr.

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Libol nmɔn le kufuug nyan paab, ki fu ke ntafapɔɔrim le daarin. Ki jiirin nan gbeen kudiig kan wee bi ka-n. Le bi kan ni ba le ni nann nŋmipeen a dann ki yar tɔɔ tɔɔ bininfob biɛn bu. Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Lidaal biɛn bi lagin iwonjiɛn niin a loob le ki jiɛn Uwonbɔr, ki lagin tab bi niin ki ji tijiir, ki jɔɔ nmɔn nin ibamɔn nin tab, ki pag ki don Uwonbɔr a yinl, le uninfo biɛn a sufu sɔɔn bi bu. Le idaa biɛn ke Uyudaan che bininfob mann ga nŋmarim kpiɛg bi bu.

‘Uwonbɔr nan len ke, dulinya nan a joorimin, n na li kpaar n naaŋin ki jaa bininfob biɛn bu. Le ni bijam nin ni bisiɛm na li pag ilinlen leen, le ni naachipɔm na li kan zii, le ni janinkpeeb mu na li dɔgin tidindɔgin.

Le biwonjiɛm nmɔn biɛn nan jɔɔ nɔɔ nin tab le ki jɔɔ bi wan yɔɔr ki por tenn tab. Ki kɔɔr baah jɔɔ nan biɛn ki por ni ligi sei tab, uninfo biɛn nin waah ye un gaa man, wee nin kpaan u.

Le wan biɛn yin Uyudaan a yinl ke u li kan nŋmarim.’

Nween na li kpenn ki bɔŋ, le uŋmal mu li kpenn ki mann ke nchamin, ni na yin ŋa man le, wee Uyudaan a pag takpeŋin daalin ni foon