ខគម្ពីរពេញនិយមពី Romans 12

ចែក​រំលែក

Tuvraġnagich nunam iñuŋisa piḷġusiŋich. Aglaan isumasitchi nutauruanik isumanik iluqani iñuusiqsi allaŋŋuġumauq. Tavra iḷitchuġiniaqtusi nalupqinaiġḷugu suna God-mun pisuutigitilaaŋanik, suvlu nakuutilaaŋanik, akuqtuġnaġumiñaqtuamiglu God-mun, suli qanupiaġataq God-mun iñuutqutilaaqsi.

Tavra aniqatiit, God nagliktauniġman, qapiŋaisaaġivsi aitchuutigitquvlugich timisi God-mun. Iñuich aitchuimmatun niġrutinik ikipkautiksranik God-mun, aasii tamatkua niġrutit payaappauruksrauŋitchut akuqtuġnaġumiñaġniaġumiŋ, tavraliasii qapiŋaisaaġivsi aitchuutigitquvlugich timisi God-mun, iñuuruanik aitchuimmatun piḷuutaitchuanik akuqtuġnaġumiñaqtuanik ilaanun. Tainnauvva pikavsi, aŋaiyyuvigipiaġiksi God.

Quviasugitchi niġiugnivsiññi isuitchuamik iñuggunmik. Qiñuitchitchi iłuiḷḷiuġutiqpaŋmi. Aŋaiyyumaruagusitchi.

Pigiitchuamun akiiḷipkaġnasi, aglaan pigiitchuaq akiiḷisiuŋ nakuurualiqilusi.

Piviuttaqqutisitchi avanmun, aniqatigiich piviuttaqqutimmatun avanmun. Nanġaġumałhaaqsigik allat nanġausiaqałhaaġniġmiñ ilivsi allaniñ.

Piviuttaġisigik iñuich iḷumutun. Uumigisiuŋ pigiitchuaq, nakuurualiqillatusitchi.

Qanaaqatigitchaiḷiuŋ kiñapayaaq piyumiñaqtilaaqtun. Aguirrutaunak qanaaġutiksramun.

Piviuttaġirauruasii, akisautinasi ilivsiññik, aglaan God-im tatavsaġligich pimaqłuktairuat ilivsiññik, qanuq aglausimaruq Bible-ni, God uqallaŋaruq inna, “Nalaunŋaruamik piñiaqtuŋa. Uvaŋa akisaurriñiaqtuŋa.”

Suuramikunnii iqiakkiutinagu savaaqsi, aglaan savautisiuŋ Ataniq piyumalaaġlusi.

Alġaqsruirauvluŋa tiliraŋa God-im uqallautigivsi uumiŋa. Nalliqsiunnii piġuqtiġnani naumasiḷuni, aglaan isummatigisitchi ilivsiññik nalaunŋaruakun, isivġiġḷugu nalaunŋaruakun piḷḷakkaqsi, God-im aitchuutaa ukpiliqavsi Christ-mun.

Iñuum pimaqłukpasi, akisaġnasi pimaqłuunmik iliŋiññun. Iñuulluataġitchi iñuich iluqaġmiŋ iḷisimayumaut nakuutilaavsiññik.

Iñuuniaqatigiigitchi atilusi avanmun, piġuqtiġnasi, aglaan piqasiqsuutisitchi kamasaaŋitchuanun. Isummatiginasi ilivsiññik iḷisimanasugalugich supayaurat.

Aglaan, “Pimaqłuktaqtin kaakpan, niġipkaġuŋ. Imiġukpan, imiqtirruŋ. Tainna piguvich, kanŋutchaktinniaġiñ pimaqłuktaiñiŋagun iliŋnik.”

Apiġisiuŋ God nagligitqulugich tamatkua nagliksaaqtitchiruat ilivsiññik, apiqsrisiŋaiġḷugich God-mun tatavsaqulugich. Quviasuqatigisigik quviasuktuat. Isumaaqatigisigik isumaaqtuat.

Ikayuqsigik iñuich piiḷḷiuqtuat ilaaguaqtauŋaruat God-mun, tukkuliiñiq piḷġusiġisiuŋ.

Tavra atautchim iñuum timaa iñugiaktuanik sulliñiqaġmatun, aasii sulliñillaaŋi timim inmikkullaa atuġnaqłutiŋ. Tainnatuttauq uvagut inmiugut. Iñugiakkaluaqłuta, timitun atautchisun ittugut, qanuq atausiŋŋuqatigiŋagikput Christ. Aasii avanmun anniqsuutigiiksuksraurugut.