ខគម្ពីរពេញនិយមពី Matthew 24

ចែក​រំលែក

Suli pisigilugu piḷuusiqutim iñugiaksiñiŋa, iñugiaktuat iñuich piviuttaqqutaiqsaiññaġniaqtut. Aglaan iñuk igḷutuutiruaq nagliksaaqtitauniġmik iñuuniqtutilaamisun, annaurrauniaqtuq.

Aasii manna tusaayugaaġiksuaq God-im atanniqsimmataa iñuŋnun alġaqsruutauniaqtuq iluqaani nunapayaami, quliaqtuaguluni nunapayaanun, aasii tavrani nunam isua tikiññiaqtuq.

Tusaaguvsi aŋuyaktuanik, qanitkaluaqpata naagga uŋasikkaluaqpata, iłuiḷḷiuġutiginagich. Tamatkua piruksraurut, aglaan sivuniġiŋitkaat isuksraq tikiññiḷugu.

Nunauruat aŋuyagniaqtut allanun nunauruanun. Suli umialiqaqtuat aŋuyagniaqtut allanun umialiqaqtuanun. Nunasuli aularaġaġniaqtuq sumipayaaq, iñuiḷḷu paniġniaqtut niqaiḷḷiuġlutiŋ. Tamarra tamatkua aullaqisaaŋich isumaaġutit piruksrauruat Christ-guruaq qaiŋaiñŋaan.

Qiḷaglu nunalu piiġñiaqtuk, aglaan uqalutka piiġumiñaitchut.

Qanuq iñugiaktuat iñuich qaiñiaqtut uvaŋauŋŋuaqtuat uqaġlutiŋ Uvaŋa Christ-guruŋa, aasii iñugiaktuat sagluqilugich.

Tavraasii iñuich tigutaaġniaġaasi tatavsaqtautqulusi, tuqullusiḷu. Suli iñupayaat uumiginiaġaasi pisigiluŋa. Tavraasii iñugiaktuat iñuich ukpiġutaiġñiaqtut, suli aitchuutigiraġautilutiŋ avanmun, uumikkutiliġḷutiglu avanmun. Aasiivsauq iñugiaktuat uqaqtauŋŋuaqtuat God-mun iñukpalliġñiaġmiut aasii sagluqilugich iñugiaktuat iñuich.

Tavra Jesus kiuŋagai, Qaunagisitchi sagluqipkaġnasi.

Tavraptauq ilivsi itqanaitchuksraummiusi, qanuq Iġñiŋa Iñuum qaiñiaqtuq ikarrami niġiugvigiŋisavsiññi.

Quviqtaiḷisitchiasii, qanuq iḷisimaŋitchusi uvluanik Atanivsi qaġġiviksraŋan.

Iñupayaam nalugaa taimña uvluq ikarraġlu tamatkua nalaurviksrautaat. Isaġulgitchunnii qiḷaŋmiittuat, Iġñiŋatalu Iñuum, nalugaat. Aapam kisimi iḷisimagaa.

Qanuq Christ-guŋŋuaqtuat uqaqtauŋŋuaqtuallu God-mun iñukpalliġñiaqtut savaglutiŋ aliuġnaqtuanik kamanaqtuanik nalupqinaiġñiaqługu kiutilaaqtiŋ, asiñuutiniaqsaalugich God-im piksraqtaaŋi, sagluqiyumiñaġumisigik.

Iñuich iñuuniaġusiatiktun Noah iñuumman, iñuich iñuusiqaġniaġmiut Iġñiŋa Iñuum qaikpan. Qanuq taipkunani uvluni sivuani uliqpaum iñuich niġigayuktut, imiġayuktullu, katirrusiqisuurullu, uvlumunaglaan Noah-m isiġvianun umiaqpaŋmun, sumik naluŋarut piyumaaqtuamik uliqpaŋmun, pisaġilġataqtillutiŋ iluqaġmiŋ. Tainnatun inniaqtuq qaiñiŋa Iġñiŋata Iñuum.