ខគម្ពីរពេញនិយមពី Matthew 19

ចែក​រំលែក

Tavra Jesus qiviaŋagai aasii uqallautivlugich, Iñuich taamna piyumiñaitkaluaġaat, aglaan God supayaanik piḷḷaruq.

Tavraŋŋaaglaan malġuuŋaiqsuk aglaan atausiŋŋuqtuk. Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.

Jesus kiuŋagai, Taiguaġiŋaitpisiuŋ aullaqisaami iññiruamun taapkuŋniŋa savaŋatilaaŋa aŋunmiglu aġnamiglu? Aasii uqallakłuni, Taamna pisigivlugu, aŋutim qimaguugik aapaniḷu aakaniḷu aasii nayuqsiutivlugu nuliani. Tavra iliŋik malġuuruak atautchisun iñuktun iḷiñiaqtuk.

Tavra Jesus uqallaŋaruq, Miqłiqtuurat qaipkaqsigik uvamnun, suli pitquŋiññagich. Qanuq tainnaiḷiŋaruat atanniqsimagai Taavruma qiḷaŋmiittuam.

Aglaan qaunagisitchi. Tamatkua salliuniataktuat paŋmapak qamalliġuurrauniaqtut taimanigu, aasii qamalliuruat salliġuutilutiŋ.

Suli kiñaliqaa qimaiŋaruaq iglunik naagga aniqatiinik naagga aapamiñik aakamiñiglu naagga miqłiqtunik naagga nunamiñik pisigiluŋa, aitchuusiaqaġniaqtuq tallimakipiaġuġlugu, suli kiŋuvaannagluni iñuggunmik isuitchuamik.

Jesus uqallautiŋagaa, Inuqsraŋaitchupiaġuvich, aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin, maliŋŋa.

Tavra Jesus uqallautiŋagaa, Summan apiġiviŋa sum nakuutilaaŋanik? Atausiuruq nakuuruaq. Iñuusarraqsisukkuvich kamagikkich God-im pitquraŋi.

Uqallautivsaaġivsi, siġḷiġnaił̣haaqtuq pikukturuaq kakakti isiqpan mitqutim iraagun, suġalliruam isiġniksraŋaniñ atanniqsimavianun God-im.

Aasii uqallautigivsi, kialiqaa avirrusiġumiuŋ aġnaqtiŋ, allatuŋisuaqpan, aasii tuvaaqasiġḷuni allamik aġnamik allatuqtuaguruq.

Tavra Jesus uqallautiŋagai iḷitchitqurani, Iḷumun uqallautigivsi. Qanutun siġḷiġnaqtigiruq suġalliruam isiġniaġniksraŋa atanniqsimavianun Taavruma qiḷaŋmiittuam.