ខគម្ពីរពេញនិយមពី 1 Corinthians 3

ចែក​រំលែក

Nalupqinaitchuamik puttuqsrimarusi God-im iñuutilaaŋanik iḷuvsiññi. Ilivsi ittusi ilaan aŋaiyyuviatun, suli God-im Ilitqusiġiksuaŋa iñuuvluni iḷuvsiññi.

Allamik maŋŋuksramik iñuk iḷisiyumiñaitchuq taamna anaglugu iḷirauŋaruaq, sivuniqaqtuaq Jesus Christ-mik.

Tavraasii iñuk nautchirriiruaq iñuglu aiḷaqtiġiruaq suvigruaguŋitchuk, aglaan God kisimi naumaruq qanuq naupkaiḷḷaruq.

Qanuq uvaguk savaqatigiiksuguk God pisivlugu, aasii ilivsiḷi God-im nautchiaqaġvigimmatun. Aasiisuli igluqpaktun inmiusi God-im nappakkaŋatun.

Iñullaam savaaŋa satqummiġñiaqtuq isivġiġvium uvluani. Qanuq taavrumani uvlumi iñullaam savaaŋa qanuġumiñaġniaġaa igniġum, aasii igniġum uuktuġniaġaa qanusiutilaaŋanik iñullaam savaaŋa.

Nautchirriiruaġlu aiḷaqtiġiruaġlu atiruk, aasii inmikkullaa akiḷiusiaqaġniaqtuk savaallaamikkun.

Kiñaliqaa sagluqinani inmiñik. Iñuk akunnavsiññi isumagumi isumatunasugaluni, iñugruiññaich isummasiatitun isummatigikamirruŋ isumattun, ilaa isumalluaġiiġḷi isumattutinikkumauq God-im isumattutaanik.