ខគម្ពីរពេញនិយមពី Roma 13

ចែក​រំលែក

Saguwaꞌ batukanun bi kawul-piꞌil Panuhutanten bi, Isa Almasi. Daꞌa teꞌed kaꞌam magpikilan ngūtan napsubin.

Bang niyaꞌ utangbi, bayedanun bi bang taꞌabut ne ellew pagbayedin. Bisan gaꞌ ne niyaꞌ utangbi, utangan pe kaꞌam seddili. Utang inin lasabi si pagkasibin. Bang maglasa-ilasa kaꞌam, tuhutbi ne saraꞌ sinulat si Musahin.

Kēmon kite bi manusiyaꞌin, subey tuhutte bi meꞌ aꞌa taga kapatut magbayaꞌ si paglahatanten bi peggeꞌ gaꞌ niyaꞌ kaꞌurungan kapatut bang dumaꞌin amban bayaꞌ Tuhan. Duk meꞌ taga kapatut magbayaꞌin, Tuhanin mamatingkoloꞌ siyehin.

Dunya kuweꞌitu inin kuweꞌ dem lindem sabab duse. Saguwaꞌ kuweꞌitu tahalaꞌ ne imut-imut lindemin duk sōng ellew ne. Hātinen, sōng tekka ne balik Isa Almasi. Hangkan subey ne lebbahante kēmon hinangante malaꞌatin duk dalil sundalu magbessi miyaꞌan subey kite panyap nungkaꞌan sasuku malaꞌatin.

Peggeꞌ bang asal kalasahante pagkasiten, gaꞌi teꞌed iye hinangante laꞌat. Hangkan hep bang kalasahante pagkasiten tatuhutte ne kēmon pangandaꞌakan Tuhanin.

Hangkan bayedanun bi meꞌ patut binayedanin, sukey bulak ke atawa sukey ine-ine ne, duk pagaddatanun bi duk pahadjehun bi meꞌ magbayaꞌ si paglahatbin.