ខគម្ពីរពេញនិយមពី Mateo 24

ចែក​រំលែក

Peggeꞌ lumanduꞌ ne kalaꞌatan dem dunyahin, meꞌ aꞌa maꞌekkahin gaꞌi ne malasa si saweꞌde. Saguwaꞌ sine-sine nandal sampay si tamanan kabinasahan inin, taga umul du si surgaꞌ gaꞌ niyaꞌ tamananne.

Duk meꞌ aka-aka mahāp sabab pagbayaꞌ Tuhanin minahalayak du iyan si tibuꞌukan dunya, supaya kataꞌuhan manusiyaꞌin kēmon. Ubus iyan kiyamat ne dunyahin.”

Makakale kaꞌam iyan sabab magbonoꞌ dem lahat duk suwi-suwi sabab magbonoꞌ si lahat tala, saguwaꞌ daꞌa kaꞌam tinalew. Kēmon inin subey umantag saguwaꞌ dumaꞌin pe inin ellew kiyamat.

Dambuwaꞌ bangsa magbonoꞌ duk bangsa seddili, duk dambuwaꞌ pagsultanan magbonoꞌ duk pagsultanan seddili. Niyaꞌ iyan meꞌ unus duk meꞌ linug si meꞌ kalahat-lahatan si dunya. Saguwaꞌ kēmon inin panagnaꞌan meꞌ katiksaꞌanin hadja, kuweꞌ dalil dende sōng nganak duk nagnaꞌ peddiꞌan ne.

Palabey hadja langitin duk dunyahin, saguwaꞌ bang bissākun asal gaꞌi usaꞌ.”

Peggeꞌ ekka iyan pitu magēnan ēnkun magpaꞌin weꞌ siye ne Almasihin. Duk ekka iyan kaꞌakkalande.

“Ubus siggew meꞌ aꞌa du kaꞌam duk sōngande kaꞌam ilegga duk pinapatey. Kabunsihan du kaꞌam weꞌ kēmon manusiyaꞌ peggeꞌ nuhut kaꞌam aku. Ellew iyan ekka gaꞌi ne nuhut aku. Pagbuddihande saweꞌden duk kabunsihande saweꞌden. Ekka iyan aꞌa tekka magmā-mā nabi siye pinapitu weꞌ Tuhanin duk ekka aꞌa kaꞌakkalande.

Nambung si Isa, paꞌinne, “Pahatul-hatul kaꞌam duk kaꞌam gaꞌi kaꞌakkalan.

Damikkiyan isab kaꞌam, subey kaꞌam luwal papateng-pateng peggeꞌ aku, Anak Manusiyaꞌin, tekka du ku pitu baytu gaꞌi ku ase-asebi.”

Hangkan papateng-pateng kaꞌam, peggeꞌ gaꞌi kataꞌuhanbi bang ellew ine papitukun.

“Saguwaꞌ gaꞌ niyaꞌ ngataꞌu bang ellew ine atawa waktu ine papituku balik si pasōnganin. Bisan meꞌ malaꞌikat si surgaꞌin gaꞌi kataꞌuhande. Bisan aku, Anak Tuhanin, gaꞌi du isab kataꞌuhanku. Luwal Samaku Tuhanin mangataꞌuhin.

Peggeꞌ si meꞌ ellew īꞌ, niyaꞌ iyan paguwaꞌ meꞌ aꞌa magpaꞌin weꞌ Almasihin siye bu gaꞌi bennal. Niyaꞌ isab iyan meꞌ aꞌa magpaꞌin weꞌ nabi siye bu gaꞌi toꞌo. Duk magpakite siye iyan meꞌ tandaꞌ balakatan duk meꞌ hinangan makaꞌulaliꞌ supaya bang makajari taboꞌode pasapeꞌ bisan meꞌ aꞌa tapeneꞌ Tuhanin.

Bang ne ku pitu balik si dunya, meꞌ hinangan meꞌ aꞌahin kuweꞌ du hinangan meꞌ aꞌa masa si Nu ley. Masa miyaꞌan, gaꞌ pe tekka laseyin, gaꞌ niyaꞌ tapikil meꞌ aꞌahin luwal mangan duk nginum, maganda duk magella sampay taꞌabut ellew padiyalem si Nu dem kappalin. Gaꞌ kataꞌuhande bang ine maꞌumantagin duk bessuwang hadja tekka laseyin duk lambo siye kēmon. Na, kuweꞌ iyan du isab meꞌ aꞌahin bang aku, Anak Manusiyaꞌin, pitu balik.