ខគម្ពីរពេញនិយមពី Mateo 21

ចែក​រំលែក

Bang kaꞌam sandel, tasangkabi du ine-ine pākubi amban Tuhan.”

Paꞌin si Isa si siye, “Sabennal akahante kaꞌam, bang kaꞌam sandel duk gaꞌi teꞌed duwe-duwehan, makajari hinangbi kuweꞌ bakas hininangku si kayu iyan. Duk dumaꞌin hadja iyan tahinangbin. Bang paꞌinbi si punu inin, ‘O punu, tahalaꞌ kew duk pateppad kew pī dem tahik,’ tuhutne du bissābin.

Magellang-ellang meꞌ aꞌa si dehelluhan si Isahin duk meꞌ si dambulihannen. Ngalingan siye, paꞌinde, “Pudjite bi tubuꞌ Sultan Daꞌudin. Pudjite bi pinapitu weꞌ Tuhanin. Pudjite bi teꞌed Tuhanin.”

Paꞌinne si siye, “Tasulat dem kitab, paꞌin Tuhanin, ‘Lumaꞌkun inēnan du lumaꞌ pangampunan.’ Saguwaꞌ kaꞌam,” paꞌin si Isa, “hininang weꞌ bi lumaꞌ Tuhanin kuweꞌ lumaꞌ patapukan meꞌ aꞌa panangkew.”

“Akahanun bi meꞌ aꞌa Awrusalamin, ‘Payamanun bi, tekka du sultanbin, diyawaꞌ ateynen duk pasakey iye diyataꞌ anak asnu.’ ”

Paꞌin si Isa si siye, “Gaꞌ ke bakas tabatsabi dem kitab, pinaꞌin, ‘Batu tinayikutan weꞌ meꞌ pandey maghinang lumaꞌ batuhin, peggeꞌ kannalde gaꞌi taguna, kuweꞌitu iye ne miyaꞌan batu tamanan maniyaꞌ kagunahannen. Hinangan Tuhanin inin duk landuꞌ teꞌed hāp.’

Hangkan akahante kaꞌam,” paꞌin si Isa, “tagnaꞌ kaꞌam tapeneꞌ Tuhanin, saguwaꞌ pinagantiꞌ du iyan si kaꞌam meꞌ bangsa seddilihin duk tuhutde du iyan pangandaꞌakan Tuhanin.” (