ខគម្ពីរពេញនិយមពី Roomaꞌ 4

ចែក​រំលែក

Nii'nung noru' konte-pina' oro' tavo'arava' Kumponing-nung barevare-koo, teka aa'na' purimpari masika'antavuko' Kumponing daangampuma. Koonto' tasi'pari noru'uko' kapoo' Kumponinge barevumaung tee makosi nkovuaing.

Kumponinge Eebaraami' nauvuu'na', Daari Meekung-koo ee' daariari otong, “Da' tee ninge enang amutemuu' muu'ke biuma deeng-antaransing.” Aung kara koonto' Kumponing-koo uro'kanoo'ka taaravuu', bakaang-koo Ovoring-koo masika'antavuko'nung-koo tee boo'nuka domang-anta ee'noko kapoo'nanka otoroaing karai tavo'anta.

Tee ee'nara Kumponinge taura'puio' boo'paru' niikaang boto-toto'koong kiimata nka-koo, ee'noko Kumponinge napo' daa'uu', tee' masika'antavampiko Kumponinge nii' konto'nuka deeng-antamurii'naang.

Kumponinge nauvuu' Eebaraami', teie narung bauring donkaani avuu'naang tampuu' ba'dompenku mmau' deeng-antavuriaing ee'noko pankavitu deempariaing. Ee'noko Eebaraami'ke masika'antavuu' Kumponing, bane tee aung kara makotuaung-pina' oro' nauvuko.

Kumponinge tee, tee biraanke nii'keta paa'aravaroo'naang piavora tee biraanke bauta' deeng-antavuu' nii'ke nka-koo masika'antavampima. Tee'koo Eebaraami' bakanarempo'kai ookenge kompaavaing tee barenku, teing tee boto siompaamaing naing deea', nka teing nii'ning napo' barenku masika'antavaamaing ninka nari' Eebaraami'pina', tee nii' ookara niuma.

“Biraankeariaining teing biikaang boto-toto' tonta'evuriaining ee'noko teing biikaang oraka'nko tamung doonko daka'pevuriaining. “Biraankearavaing tee naning bakaang orara nko-nko-koo Kumponinge tampuauka'nung.”

Ai' Daari Meekunge tee ee' minkuvui otong, “Eebaraami'ke Kumponing masika'antavuko Kumponinge tamung naning koonto' tampuu'.”