ខគម្ពីរពេញនិយមពី Lom 9

ចែក​រំលែក

A꞉la꞉fo꞉ko꞉lo꞉ Godeya꞉lo꞉ kalu da꞉feab a꞉no꞉, kaluwa꞉ ene asulo꞉ o꞉lia꞉ ene nanog dimidan o꞉lia꞉ a꞉na iliki da꞉feanba. Godeya꞉ enedo꞉ nofolakilo꞉ asulan a꞉na iliki ga꞉lab.

Gode eyo꞉ Mo꞉sa꞉sbo꞉wo꞉ a꞉la꞉sio꞉, “Kalu o꞉ba꞉le nilo꞉ nofolo alifa꞉no꞉ asulab a꞉no꞉, kalu a꞉no꞉ nofolo alifa꞉no꞉. Kalu o꞉ba꞉le nilo꞉ asuwa꞉fa꞉no꞉ asulab a꞉no꞉, niyo꞉ kalu a꞉no꞉ asuwa꞉fa꞉no꞉.”

Ko꞉sega niyo꞉ gimo꞉wo꞉ a꞉la꞉so꞉lo꞉l. Godeya꞉ tolo꞉ halalelab ge kalu o꞉bo꞉ngo꞉ dowakigaya? To nilo꞉ da꞉fe sa꞉ma꞉nigo꞉lo꞉ we. As a꞉ma꞉yo꞉, elo꞉ asu o꞉mo꞉wo꞉, “Gilo꞉ ne weaundo꞉ dimido꞉wo꞉ waigo꞉wo꞉” a꞉la꞉bo꞉ sa꞉ma꞉iba꞉le?

A꞉la꞉go꞉ko꞉lo꞉ Gode eyo꞉ ene asulo꞉wo꞉ kudu ha꞉nakiyo꞉, kalu o꞉ba꞉le nofolo꞉ alifa꞉no꞉ asulab i a꞉no꞉ nofolo꞉ alita꞉sen. A꞉la꞉ta꞉ga꞉ Gode eyo꞉ kalu nolo꞉ to sio꞉wo꞉ mo꞉kudu ha꞉naki a꞉la꞉iya꞉melea꞉ki asulalega, eyo꞉ i a꞉no꞉ a꞉la꞉iyo꞉ ka melea꞉ki da꞉fe alita꞉sen.”

Asdo꞉ a꞉tan ka꞉isale a꞉ma꞉yo꞉ dalo꞉ modo꞉ dia꞉sa꞉ga꞉, as a꞉takiyo꞉ nowo꞉ sa꞉sa꞉li as asu, nowo꞉ kelego꞉ disa꞉la꞉mela꞉no꞉ as asu ko꞉lo꞉, a꞉la꞉do꞉ dimido꞉ a꞉no꞉ eyo꞉ mogago꞉ dimido꞉wa꞉le? A eyo꞉ hala dimido꞉ma. Eyo꞉ asulo꞉ enedo꞉wo꞉ kudu ha꞉naki, aso꞉ ko꞉li ko꞉lilo꞉ asu.