ខគម្ពីរពេញនិយមពី Lom 11

ចែក​រំលែក

Alan eyo꞉ kelego꞉ tambowo꞉ fa꞉la꞉do alifa꞉. Kelego꞉ tambo a꞉no꞉ mo꞉wo꞉ e ko꞉lo꞉lab. A꞉la꞉ta꞉ga꞉ kelego꞉ tambowo꞉ eneno꞉ ko꞉lo꞉lab. A꞉la꞉fo꞉ko꞉lo꞉ niliyo꞉ Alana꞉ wiyo꞉ dulugu sa꞉la꞉mela꞉niki. Mada hendeleyo꞉ o꞉m.

Wai! Godeya꞉ ene asulo꞉ a꞉no꞉ mada alan badio꞉ ko꞉lo꞉, iwalu dowo꞉ ko꞉lo꞉lab. Godeya꞉ enedo꞉ alobanalia꞉ga꞉lo꞉ difa꞉ a꞉no꞉, nio꞉ mo꞉asuluma꞉ib. A꞉la꞉ta꞉ga꞉ ene man dimidan a꞉no꞉lo꞉ niliyo꞉ mo꞉fanda asuluma꞉ib.

Godeya꞉ bugo꞉ amio꞉ a꞉la꞉sa꞉sa꞉lo꞉, “Alana꞉ asulo꞉wo꞉, kalu imilig noma꞉yo꞉ mo꞉asulo꞉ ko꞉lo꞉lab. A꞉la꞉ta꞉ga꞉ kalu imilig noma꞉yo꞉ emo꞉wo꞉ asulo꞉wo꞉ mo꞉wido꞉.”

Gode eyo꞉ a꞉la꞉sio꞉ ko꞉lo꞉, o꞉g wenamio꞉lo꞉ o꞉leo꞉ngo꞉ dowab. Gode eyo꞉ Isolael kaluka꞉isale ha꞉fo꞉wo꞉ disa꞉lakiyo꞉, nolo꞉ da꞉fe alifelo꞉ ko꞉lo꞉, iliyo꞉ Godeyo꞉ o꞉kudu ha꞉na꞉lab. Godeya꞉lo꞉ da꞉fe alifelo꞉ a꞉no꞉ ini nanog nafa dimido꞉ a꞉namima. Godeya꞉ ene ha꞉fo꞉ disa꞉ man a꞉na iliki da꞉feyo꞉. Gode eyo꞉ ili man dimido꞉ a꞉na iliki da꞉feai kibo꞉bowo꞉, Godeya꞉ ha꞉fo꞉ disa꞉lan man a꞉no꞉ o꞉ngo꞉malo꞉ngo꞉ domabe.

Isolael i a꞉no꞉ o꞉lif i ko꞉lo꞉ egelo꞉ amilo꞉ gele alifa꞉ o꞉ngo꞉ ko꞉lo꞉lab. A꞉la꞉ta꞉ga꞉ Yu kaluka꞉isalema gio꞉ hena꞉ usamilo꞉ o꞉lif i a꞉s ko꞉lo꞉ madalilo꞉ fa꞉la꞉ne o꞉ngo꞉ ko꞉lo꞉lab. Gode eyo꞉ o꞉lif i ko꞉lo꞉ egelo꞉ amilo꞉ elen a꞉ma꞉ ele nolo꞉ gegedelia꞉ga꞉ dila꞉. A꞉la꞉ta꞉ga꞉yo꞉ hena꞉ usamilo꞉ o꞉lif a꞉s ele nowo꞉ Gode eyo꞉ gedelea꞉saga꞉, egelo꞉ amilo꞉ o꞉lif i a꞉na kudu alifa꞉. A꞉la꞉fo꞉ko꞉lo꞉ egelo꞉ amilo꞉ o꞉lifa꞉ tef a꞉ma꞉yo꞉ ho꞉no꞉ gimo꞉wo꞉ nafale dimia꞉lab. Ko꞉sega giliyo꞉ ele gagadela꞉ a꞉no꞉ mogago꞉lo꞉b a꞉la꞉asulakiyo꞉, ginina꞉ma꞉la꞉yo꞉ kaila꞉so꞉bo. Asuluma! Gio꞉ ele o꞉ngo꞉ dowo꞉ ko꞉sega ele a꞉ma꞉yo꞉ tefo꞉ mo꞉asuwa꞉ta꞉sen. Tef a꞉ma꞉yo꞉ mela꞉no꞉ ho꞉no꞉ gimo꞉ dimia꞉sen.