ខគម្ពីរពេញនិយមពី Mak 7

ចែក​រំលែក

Mogago꞉wo꞉ kaluwa꞉ asulo꞉ usamilo꞉ delen ko꞉lo꞉ ha꞉la꞉ amilo꞉ fa꞉la꞉dowa꞉labo꞉ we. Asulo꞉ mogago꞉, uwo꞉ dian, kelego꞉ afale dian, kalu sana sowan, kalu galeso꞉ o꞉lia꞉ ga indo꞉ o꞉lia꞉ma꞉ afa dian, meselan, mogago꞉ ko꞉li ko꞉lilo꞉ dimidan, dikidan, sada꞉dan, no꞉no꞉n ne alan a꞉la꞉asulan, yo꞉le dowan. Man mogago꞉ dimidan ko꞉lo꞉ sa꞉lab we, kaluwa꞉ asulo꞉ usa a꞉la꞉ta꞉ga꞉ ha꞉la꞉ amilo꞉ handalowab a꞉ma꞉yo꞉ kaluwo꞉ mada mogagila꞉lab.”

Kelego꞉ ha꞉la꞉ amilo꞉ ko꞉lo꞉ kalu kufa꞉ us amilo꞉ tinab a꞉ma꞉yo꞉, kaluwo꞉ mo꞉henema꞉ib. Ko꞉sega kaluwa꞉ asulo꞉ us amilo꞉ delen ko꞉lo꞉ ha꞉la꞉ amilo꞉ sa handalowab a꞉ma꞉ henema꞉ib.”

Ya꞉su eyo꞉ imo꞉wo꞉ a꞉la꞉sio꞉, “Madalilo꞉ dikili sa꞉lan kalu o꞉go꞉do꞉ gi ko꞉lo꞉ dowab we, tamin amio꞉ Godeya꞉ tolo꞉ dinali sa꞉lan kalu Aisaya eyo꞉ hendele gi we ko꞉lo꞉ sa꞉lakiyo꞉ a꞉la꞉sa꞉sa꞉lo꞉, “ ‘Kaluka꞉isale i wema꞉yo꞉ to mosowa꞉yo꞉ ni wiyo꞉ ko꞉lo꞉ duludan, ko꞉sega inin asulo꞉wo꞉ ne o꞉lia꞉yo꞉ mo꞉imilo꞉, ko꞉na꞉ dofo꞉likigab.

Iliyo꞉ henfelo꞉wa꞉ eleyo꞉ ko꞉lo꞉ widakiyo꞉, Godeya꞉ ene ele a꞉no꞉ ko꞉lo꞉ wido꞉l a꞉la꞉sa꞉la꞉sen. Iliyo꞉ hendele nelo꞉ mo꞉duludaki, madali mo꞉lo꞉ma a꞉no꞉ ko꞉lo꞉ duluda꞉lab.’  Aisaya eyo꞉ a꞉la꞉sa꞉sa꞉lo꞉.

Giliyo꞉ Godeya꞉ ene ele saefa꞉ a꞉no꞉ ta꞉ta꞉ga꞉, ginido꞉ mo꞉lulo꞉ ele dimidan man a꞉no꞉ ko꞉lo꞉ ta꞉li siliki kudu ha꞉na꞉lab.”