ខគម្ពីរពេញនិយមពី Sigingo 15

ចែក​រំលែក

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Ala si na Mara, me ala lingbi ti nyon ngu ti Mara ni pepe, ngbanga ti so ngu ni asee sengo. Ndani laa azo adi iri ti ngu ni so Mara. Azo ni akasa Moïse, atene: “Fade e yeke nyon nyen?” Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.