ខគម្ពីរពេញនិយមពី Sigingo 12

ចែក​រំលែក

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA. Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Tongana amolenge ti ala ahunda ala, atene: ‘Nda ti matanga so ala yeke sara so ayeke nyen?’ Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.