ខគម្ពីរពេញនិយមពី Lomu 14

ចែក​រំលែក

Yagunu holilo. Goti ya hiyabate we wehudi hilalau minonibo mona ya wete-idafa ido nogi no holinubo mona ma minámiye. E’e, Goti ya hiyabate wehudi hilalau minonibo mona ya fefe libo mona, you amena mona, Weuna Fele lulau mino edoto dowa loto holinubo mona ya ne. Yagunu hemotina ya feti moniti Kilisto houba-naba o edanabo, ya Gotikafo dowa wa betiyageto, ido wenina yagi monatina dowa wa edanigilae.

Hofawa minanubo ya Wenaba huliya li faka lotoko minone. Ido fulinubo ya Wenaba huliya li faka lotoko fuliyone. Yagunu ya hofawa minanubofe, ido fulinubofe? Moda Wenaba weninala ya minone.

Feito ya you amena mona molanubo hanu, ido weninate weudina-lutina-hatina li auba i betinubo hanu ya auba ito moni wita okelo.

Feito ya weninate monatina feito-feito nosámiye, loto hofa lo betiyámokelo. E’e, mono weninate maleka ya monate wati uteba iti lumu fou lotanae, loti heimotina monatina yagunu hatina kifefe loti moni minalo.

Aya yagunu ya feto libo, Mikalo-mikalo wenina muki ya hidina obula fi numuti wetinakafo Goti ne, loti lo oloto molanigilae, loto nemo hofawa minowa-minowa oto minobo yamaidana oto ya hawa gedibo ya lobiyowe, loto Wenabakafo libo ne, loto ha mono lufuwau ya nebo ne. Feito ya leimo muki ya Gotidoka mako mako uto, leimo monate yagunu lo oloto mologeto ya fefe loto holito loga-miga o ledanogolaiye.

Ena holi hikitabo monatina auba iyámibo weninagi ya houna iyalo. Feto feti ya hatina loiti-loiti kiyabo mona yagunu moliya fi bito lifefe lo betinune, loti ladámoti, aifa emotinagi houna iti minalo.

Hemokafo we ma houba-nabala we monala nosámiye, loto lo edanibo, ya hema minoto feto lane? Eimola wenabala onobalalo ya lumu fou lanaife, ido auba ito minanaiye. Ido Wenabakafo li auba i edanaibo aubala mino edainako, moda auba ito minanaibo ne.