ខគម្ពីរពេញនិយមពី 1. Korintar 15

ចែក​រំលែក

Difor, mine kjære sysken, ver støe og urikkelege. Ta stadig rik del i Herrens gjerning! For de veit at i Herren er ikkje arbeidet dykkar nyttelaust.

Men Gud vere takk som gjev oss siger ved vår Herre Jesus Kristus!

Far ikkje vill! «Dårleg selskap øydelegg gode vanar.»

Men av Guds nåde er eg det eg er, og hans nåde mot meg har ikkje vore bortkasta. For eg har arbeidd meir enn dei alle, det vil seia, ikkje eg, men Guds nåde som er med meg.

Død, kvar er din brodd? Død, kvar er din siger? Brodden i døden er synda, og krafta i synda er lova.

Sjå, eg seier dykk ein løyndom: Vi skal ikkje alle sovna inn, men vi skal alle bli omskapte, i hast, i ein augneblink, når den siste basunen lyder. For basunen skal lyda, og dei døde skal stå opp uforgjengelege, og vi skal bli omskapte.

Fordi døden er komen ved eit menneske, så er òg oppstoda av dei døde komen ved eit menneske. For liksom alle døyr på grunn av Adam, skal alle få liv ved Kristus.

For dette forgjengelege må bli kledd i uforgjengelegdom, og dette dødelege kledd i udødelegdom.

For han skal vera konge til Gud har lagt alle fiendar under hans føter. Den siste fienden som blir gjord til inkjes, er døden.