ខគម្ពីរពេញនិយមពី MATEO 18

ចែក​រំលែក

Ta inerman so pantitiponay duara o taloran totoo lapud siak, wala ak ed nanleleetan da.

Kuanko nid sikayo: no mankasakey diad tapew na dalin so duarad sikayo a mikerew na antokaman, iter na Amak ed tawen so kerewen da.

Tinawag nen Jesus so sakey ya ogaw, pinaalagey tod pegley da, tan inkuanto, Tandaan yo ya! No ag yo pasimbaloey panagbilay yo tan ag yo aligen iray ogogaw, ag kayon balut makaloob ed Panariay tawen.

Say toon mampapaabeban singa sayan ogaw, sikatoy sankatageyan ed Panariay tawen.

Tan siopamay mangaawat ed sakey a singa sayan ogaw lapud siak, aawaten to ak.

Kuanko sirin ed sikayon amin a say isebel yod dalin so nisebel met ed tawen; say iyabuloy yod dalin so niabuloy met ed tawen.

Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.

Magmaung nin bitinay baleg a gilingan so beklew na sakey a too tan ipalner ed kaaralmay dayat nen say sikatoy pansengegay pankasalanan na sakey ed sarayan ogogaw a manisiad siak.

Anto kasiy gawaen na sakey a toon walay sanlasus a karniro to et abalang so sakey? Taynan to ra may siamaplo tan siam a mankakabkab na dikad kapokdulan tan anapen to may abalang a karniro.