ខគម្ពីរពេញនិយមពី MATEO 10

ចែក​រំលែក

Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Siopamay alablabas so pangaaro tod bilay to, nabalang to ni ingen; siopamay makabalang na bilay to nisengeg ed siak, naalmo to ni ingen.

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Siopamay ag to sakbatey krus to tan ontombuk ed siak, ag manepeg a disipulok.

Siopamay mamirbir ed siak ed arap na saray totoo, birbiren ko met ed arap na Amak a walad tawen. Balet siopamay mangiborid siak ed arap na totoo, iborik met ed arap na Amak ed tawen.

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Kanyan ag kayo natatakot, ta mabli kayo ni nen saray amayamay ya anuyaw!

Ag yo iisipen a linma ak dian mangiter na kareenan ed dalin. Andi! Linma ak dian awit koy ispada, aliwan say kareenan.