ខគម្ពីរពេញនិយមពី روملو‌لارا 6

ចែក​រំលែក

چونکی گوناهین عوضوو اؤلومدور، لاکئن تارینین هدئیّه‌سی ربّئمئز مسئح عئسادا ابدی حیاتدیر.

گوناه سئزه حؤکمرانلیق اتمیه‌جک؛ چونکی سئز شرئعت آلتیندا یوخ، فیض آلتینداسینیز.

بونا گؤره ده، اونون اؤلومونه تعمئد اولونماقلا بئز ده اونونلا برابر دفن اولونموشوق؛ اله کی، نجه مسئح آتا عئزّتئنئن واسئطه‌سی‌ائله اؤلولردن دئرئلدی، بئز ده همن جور حیاتین تزه‌لئیئنده یاشایاق.

بدنئنئزئن عوضولرئنی ده پئسلئک آلتلری اولماق اوچون گوناها تسلئم اتمه‌یئن. لاکئن اؤزونوزو اؤلولردن دئرئلنلر کئمی تارییا، و بدنئنئزئن عوضولرئنی ده صالحلئک آلتلری اولماق اوچون تارییا تسلئم ادئن.

و بونو بئلئرئک کی، کؤهنه منلئیئمئز اونونلا چارمیخا چکئلدی، اله کی، گوناهین بدنی قووّتدن دوشسون و آرتیق گوناها قول اولمایاق.

بله‌جه، سئز ده اؤزونوزو گوناها اؤلو، آمّا مسئح عئسادا تارییا دئری سایین.

بس نه دئیک؟ گوناه اتمه‌یه داوام ورک کی، تارینین فیضی چوخالسین؟ اصلا! بئز کی، گوناها اؤلدوک، آرتیق اوندا نجه یاشایا بئله‌رئک؟

مگر بئلمئرسئنئز کی، ائطاعت ادن قوللار کئمی اؤزونوزو کئمه تسلئم اده‌سئنئز، اونون قوللاریسینیز؛ ائستر اؤلوم گتئرن گوناها اولسون، ائستر صالحلئک گتئرن ائطاعته؟

آمّا تارییا شوکور اولسون کی، قاباقجا گوناهین قوللاری اولدوغونوز حالدا، او تعلئمدن اورَکدن ائطاعت اتدئنئز کی، اؤزونوزو اونا تسلئم اتدئنئز. و گوناهدان آزاد اولوب، صالحلئیئن قولو اولوبسونوز.