ខគម្ពីរពេញនិយមពី Roma 8

ចែក​រំលែក

Məsənka an ɗəf aŋgluwək Maŋgəlva, asna zəga məs Maŋgəlva agəɗ pak wasan zəga mogon azani, an məs Maŋgəlva aɗum sən də əŋgla nani.

Nəsənək gesiŋ, zəga tay nawɗakam də əŋgla nan ɓa, ko əmta, ko zeŋgille, ko maslayɗe, ko sembeɗ meɓɓet temme, ko wənziya an kakaŋka, ko wənziya an dədazani, ko, sembeɗ na disiŋ walla sembeɗ namba dəlva fuŋ, Maŋgəlva arban səmək əŋgla nan də Zezu Krestu Ɗəfdaya namə. Vi wənnani gesiŋ zəga tayaka dəlvəŋ dədawɓap uɗakam də əŋgla na Maŋgəlva ɓa.

Əmpəs na Maŋgəlva tay baah səmə, vi mədakəm mənani. Məsən wəzuli sən Maŋgəlva va an də slə ɓa. Əmpəs sən kiyən tay zuli sən Maŋgəlva vimə, də ma net ɗiiyi ɓa.

Kakaŋ na, mi dəmbər səm nawpel əmpa di? An Maŋgəlva tay də mənam na, naway nawzelem əmpa di?

Vini kana, an ɗəf asapək də Zezu Krestu na, Maŋgəlva ataw na kita akan ɓa.

Ɗəf məs dəsban əŋgla na zəni, wamtə, amma ɗəf məs dəsban Əmpəs na Maŋgəlva, nan warah zeŋgille nasuwa ha faɗ də zamə.

Amma adəv Zəgas pak na, waməday kiyən gesiŋ də wəbaah na Krestu məs dəŋgələmə.

Nəɗumək wənna wəzəm saha nam adəv duniya an kakaŋkəŋka. Ya gesiŋ kaw slani wənnan də gakdak məs Maŋgəlva adaɗum narban səməŋ ɓa.

Ya an vaski na, naway naɓap uɗakam də əŋgla na Krestu di? Bonoy sa, wən tattuwãh sa, wərma mama sa, may sa, saha sa, wən mbrayen sa, walla əmta, sa?

Maŋgəlva məzu kayan makret ɗiiyi, asənək məs əmpəs adaw kayani. Vi Əmpəs na Maŋgəlva tay zuli viyit ɗii na Maŋgəlva va an Maŋgəlva aŋgələ.

Məzəpprəmən ma Əmpəs na Maŋgəlva pakə, ndəɗaŋgəŋ dədakpaŋgaŋ kiritn Maŋgəlva.

An ɗəf asbanək əŋgla na zəni, asna əŋgla nan wadayki maɗulan kana. Amma an Əmpəs na Maŋgəlva asanək amakrani, asna Əmpəs nan wazəm məlĩ aka maɗulani.

Dərma van aka Wətən ɓa, amma appanək amtək agəlam pakə, ya yas vaski na, apsəm na zəga pak dəndən ɓa sa?

Yaŋ Əmpəs na Maŋgəlva adawnah sən əmpəs nam na, nam kirtin Maŋgəlva mənan gesiŋ. Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

Ɗəf məzasban əŋgla na gəɓa zəni, nan məzu seɓ na Maŋgəlvayi. Asbanna dawka na Maŋgəlva ɓa, gesiŋ asbanna dawka nan ɓa.

Vi zəga məs Maŋgəlva agəɗ pakə, tay pay məs Maŋgəlva adarban sit kirtin də gakdaka.

Məsənka, kakaŋ zlaŋ na duniya tayənɗəsa tay zəm saha va ɗak məzuwa.