ខគម្ពីរពេញនិយមពី Roma 5

ចែក​រំលែក

Amma Maŋgəlva arban səmək va aŋgələmə, pay məsəm də mambray namə Krestu adek əmta mbamə.

An məs mərəm amakraməŋ arbəsəm na wil ɓa. Vi Maŋgəlva arban səmək əŋgla nani, apsəmək Əmpəs nani.

An dəday van əmpa bo, mənam tatə neken zəm ko adəv wən tattuwãha, məsənka wən tattuwãh warban sən ɗəf dəɓəs gəni. Əɓəsən waziw guk ɓəlɓəl aba wəraka, wəziw ɓəlɓəl aba wərak bo, ndəni kədarma wənnan amakrok nawrəh zəga.

Maŋgəlva akpaŋgamək təstəs abani, vi mətaf wənnani. Kakaŋ na, məslerik slorɗok dəndən vi wənna Ɗəfdaya nam Zezu Krestu. Ɗə wətaf Zezu Krestuwi, mərah wəzar gu'o aza mbəlembəle na Maŋgəlva, ndəni an məsam aban kakaŋ gesi. Ndən dəda neken səm zəmə, mərmak wənnan amakram naw rəh gakdak na Maŋgəlva.

Gala məsam məza sembe azam naɗɗa zəga an dəslə ɓa, yaŋ Krestu amtə vimə, mənam məzu ɓoŋgoŋ aka Maŋgəlva, amtək də pay məs Maŋgəlva aɗiyə.

Kakaŋ na məsamək ɗii təstəs aba Maŋgəlva vi əmta na Zezu, an dəday ki askəmpa na, dəndəni mədawkoh səma wəda gədəv na Maŋgəlva an dədazani.

Ɗii diiɗa akpaŋgaŋgək məɗɗaŋ mambraya, vi ɗəf taka dəŋger wəpprəm ma Maŋgəlva ɓa. Vas bo ɗii diiɗa wasoŋ təstəs aba Maŋgəlva, vi ɗəf taka apprəm ma Maŋgəlva.

An məs dədayki askəmpa na, mənam tatə neken zəm də wəsap nam də Maŋgəlva vi Zezu Krestu, ndəni Ɗəfdaya namə ndən də slerem də Maŋgəlva.