ខគម្ពីរពេញនិយមពី Roma 12

ចែក​រំលែក

Kədasbanən wəsuwa vanet ɗii na duniya ɓa, amma məppan Maŋgəlva də kpaŋgan makrokum də wəkpaŋgan maɗulokum. Asna wakəsənən wəŋgla na Maŋgəlva, wakəsənən zəga an mogoni.

Milmiŋgiɗwa, Maŋgəlva arban səmək ula saha nan akam diiɗa. Vi wənnəski, ndəni məkomokum məpsən ki zukum sən Maŋgəlva də wəgəɗ sən wəza. Aski wəpsən zəga an nenek zəni.

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Kədapanən mambray dəday gən kikum ɓa, amma məday kiyən də wəɗɗa mogoni.

Məŋglu zukum, vi məlma kənanaŋ adəv wətaf nokum məs kətafən Krestu, məɓe sən zukum.

Əŋgla nokum dəsan mogoni, məza də matakataka ɓa. Məzel wənna mambray pay pakə, məɗɗa mogon nokum pay pakə.

Məsok zukum va kəda ɓapən pakə ni, vi kəsoŋ gən zam dit ɗii pakə.

Bayneŋgiɗwa, an ɗəf agəɗ sukumək mambraya, kədamndagan sənən də mambray ɓa, amma məppan əda gədəv na Maŋgəlva akani, vi ɗerewel anahək na: Əntə məmpəl ki piɗe na mambraya, naw wanətaw kita aketi. Vaski Ɗəfdaya anahə.

Kədasoŋ mətampəlɗe ɓa, məgəɗ wəza, məgəɗ wəza sən Ɗəfdaya də makrokum taka.

Vi wənna zəga məs Maŋgəlva avay də mogon nani, ndəni nədawnah sukum pakə: Kəda ɗumoŋ aka gakdak na zukum dayki zukum ha dayki an dəslə sukum ɓa, amma ko naway dula ki zən va an dəslə aza wətaf nan məs Maŋgəlva apsəni.

An ɗəf agəɗ sukumək mambraya, kədamndagan sənən də mambray ɓa. Məkay tive ka kəɗɗaŋ gən wəza mogon azet ɗii pakə.

Məsoŋ də wəsler awalaŋ zukum, kədaw kayaŋ gakdak aweleŋgit ɗii nokum ɓa. Ɗəɗaah mətaf wəza an məs tay də gakdak ɓa, kədaw ɗiyən ki zukum na va kəsənənək zəga pakə ɓa.

Məɗɗa an ɗerewel na Maŋgəlva anah sukum naɗɗa: An may tayəda məzuzelko apsən waya dəzəmə, an meme tahəŋ wədanəni, apsən iŋkile dəsə. Də wəɗɗa vaski kədaw zi sənən willarani.

Məkaman Maŋgəlva dəɗɗa gən zəzay aket ɗii məzu kayanən mokum, məssohoni dəgəɗ sit gən zəzaya, məssohoni adawray git ɓa. Məneken zukum dit ɗii məs zit neki, məhəmə dit ɗii məzu həmaŋ.

Məbaah sit milmiŋgiɗkum də arya nokum azani, mətef melekeɗ eŋgil annokum da lewlewi.

Mula va zə ɗəf ɗa: Tay də məlma zən diiɗa, ko awandi pak tay də wəza nani, amma gəba zən na takayi. Vaski nam tama'e: Mənam pak məkpaŋgək gəɓa zəm taka vi wəsap nam də Krestu, ndəni məda baah sən zəmə va milmiŋgiɗ zə ɗəf ada baahaŋ sənən ziti.