ខគម្ពីរពេញនិយមពី Markus 13

ចែក​រំលែក

Ɗii namba dələv pak wazelkuməni viwa. Amma ɗəf an dədawgan ha aza wəgraka wakohu.

Məsla zukum, kədawleŋgeŋ ɓa vi kəsənən pay nan adaɗɗa ɓa.

Warmukuməni, wakukumən abet mətawaŋ kita, kədaɗumoŋ an məs kədawpeleŋ ɓa. Amma an pay nan agapka. Məpel wəpel an məs kərəhaŋ, wəpel nan agil na sə mokum ɓa, amma səza Əmpəs na Maŋgəlva adazani.

Disiŋ də dəlva fuŋ pak wagrakaŋ amma wəpel naw agrak na ɓa.

Ɗef tay dəsən pay adazan ɓa walla wənziya na pay nan ɓa. Ko maslayɗe na disiŋ, ko Wətən Ɗəffa*, say Affən kaaka dəsəna.

An kəpprəmənək halabara nawgay gu'o ko faraɗa, kədaw geslne'eŋ ɓa. Aslək dəgəɗgən vaska, amma wəgrak dəlvi tagay ɓa.

Vi vaski məga vi kəsənən pay affən gəla adazan ɓa, kuzuŋ moskoyo, kuzuŋ tətaŋ dəfɗa, kuzuŋ aba pumpum, kuzuŋ də mompumi. An adek va mamal na adazan wərəhkum məleŋkum ɓa. An məs nənah sukumeŋka, wanənah sit ɗii pakə: Məga.

Ɗii meɓɓet wagayaŋ dit ɗii meɓɓeti. Məlĩ maɓɓan wakayaŋ mama məlĩ maɓɓani, dəlva fuŋ waɓəl atəki temtem may bo wagəɗə. Ndəni va daway nawa adasat ɗakə.

Say ɗii namba dələv dəpprəmən gən wəpel Wən Nenek pak tagay.

Vi ɗii diiɗa wazoŋ də iya nawa, wanəhaŋ na: Əntə Messiya*. Wazetin ɗii diiɗa.

Məsla zukum, vi warmukuməni, wakukumən aba kita wargukuməni adəv gəla nakkal net Yahudiyenɗe. Waziw gukumən abet ɗii gugiriɗ dit məlĩyeŋge vi iya nawa, kəɗɗaŋ gən saydawa abeti.

Vi Messiyeɗ məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ, vi kawzet ɗiiyen na Maŋgəlva aweli, va waɓapəni.

Pay nan dərɓaga bonoyi naka, pay wasərətə, təla akasak na ɓa. Ngərzleɗ na disiŋ wabətaŋ, sembeɗ na disiŋ pak waɓlaŋ.