ខគម្ពីរពេញនិយមពី Lok 6

ចែក​រំលែក

Miikiwek, miitahsh cikiiwe miinikoowisiyek. Tamino mooshkine i'i kemiinikooyek, cikinikawi wepinikaatek, kaye tahsh cimaamaakonikaatek, cionsaamashkinek i'iwe kaashina'inikeyek. Aaniihsh minihk iko awiyak kaatootamawekwaa mii 'iwe kewiin minihk Kishemanitoo ketootamawinek.”

Minokekoon onciimakanini i'imaa opimaatisiwinink a'awe inini kaamino pimaatisitc aaniihsh kaaishi mooshkineshkaakotc mino kekoon ote'ink naakwanini. Miinawaa maci kekoon tahsh wiin onciimakanini i'imaa awiya kaamaci pimaatisitc aaniihsh kaaishi mooshkineshkaakotc maci kekoonan ote'ink kaanaakwaninik aniihsh inini ihkitoomakanini otoon kaaishi mooshkinenik ote'ink.”

Saaki'ihkwak itahsh iki kaashiinkeniminekwaa, minotootaakek kaye. Pisaan kaye awi'iwek, keko kekoon kiiwe antawentankek. I'i tahsh kitipa'amaakoowiniwaa takihci wenootan. Miihsh keikooyek e'⁠oniicaanihsiminek Maawac kaaIshpentaakositc Kishemanitoo. Wiin iitok kaye kaaminotootawaatc awiya' kaatepinawewisihsinik, i'i kaye kaamaci ishiwepisinitc.

Koohpaatenimiwe Koohsiwaa, miitahsh kekiinawaa ishi koohpaatenimiwek.”

“Keko onahkonaahkekwaanik awiyak, kaawiin itahsh Kishemanitoo kika onaahkonikohsiiwaa. Keko kaye inaahkekwaanik awiyak Kishemanitoon cinipoomikowaatc, kaawiin itahsh kekiin Kishemanitoo kika nipoomikohsii. Poonentamaw kotak awiyak, miitahsh kekiin cipoonentamawihk Kishemanitoo.

“Miitahsh eninakook kaapisintawiyek: saaki'ihkwak iki kaashiinkeniminekwaa, minotootawihkwak kaye iki kaanishkeniminekwaa. Kiishpin awiya inihk: ‘Kinantawenimin cimacihseyan,’ kiin tahsh kikainaa: ‘Kinantawenimin Kishemanitoo cishawenimihk.’ Anami'ehtamawihkwak iki kaamacitootawinekwaa.

Ishitootamawihkwak kotak awiyak kaaishi antawenimekwaa citootawinekwaa.

Kiishpin awiya pahsiinkwekanaamihk pakitinamaw pisaan kaye kwehkinahke ci‑ishi pahsiinkwekanaamihk. Kiishpin awiya mahkamihk kipinsihkawaakan, pisaan kaye kika miinaa kipapakiwayaan. Miinsh kahkina awiya kekoon kakwecimihk. Kiishpin awiya mahkamihk kekoon kaatipentaman keko kiiwe antotamawaahken.

“Kaaminonihtaawikitc mihtik kaawiin macimiiniwihsii. Kaamacinihtaawikitc mihtik kaawiin onihtaawikihtoohsiinan minomiinan.

Entahshitc mihtik onci kihkenimaakaniwi aaniin eshinaakwaninik omiiniman kaanihtaawikihtootc. Kaawiin pemaatisiwaatc otoontinansiinaawaan pik tinowiminan i'imaa kawiminakishiiwaahtikonk, komaa kaye shoominaahtikonk.