ខគម្ពីរពេញនិយមពី Cenisihs 32

ចែក​រំលែក

O'o tahsh okii'ikoon, “Kaawiin hsa awahshime Cekap kika ishinihkaasohsii. Isriyal (Israel) hsa kika ishinihkaas; aaniihsh kikii otihtinaa Kishemanitoo, inini kaye, kiin tahsh kikiih shaakoocihtwaa,” okii'ikoon.

Miihsh o'o kaa'ikotc ini ininiwan, “Taka mii 'i ishi pakitinihsin, aasha ohsha piitaapan,” okii'ikoon. Cekap itahsh okii'inaan, “Kaawiin kiwiih pakitinihsinoon, paanimaa kiih⁠shawenimiyan kika pakitinin,” okii'inaan.

Wiin itahsh wiin otaanaank kiih⁠papeshiko. Ininiwan tahsh okii otihsikoon ekii nawatinitiwaatc piinihsh kekaa ekii ani piitaapaninik.

Miitahsh Cekap kaa⁠ihkitotc, “Ninkii waapamaa hsa Kishemanitoo oncishkawiink, shaakooc itahsh nimpimaatis!” Penaayal (Peniel) tahsh okii ishinihkaataan i'imaa kaakii ishi'ayaatc.

Ahpii tahsh ekihkentaminitc ini ininiwan ci⁠shaakooci'ikohsik, okiih saaminikoon onookanink. Onookanikekan itahsh Cekap kiih⁠kacishkihseni mekwaa e⁠nawatinitiwaatc.

“Aaniin tahsh eshinihkaasoyan?” okii'ikoon ini ininiwan. “Cekap nintishinihkaas,” okii'inaan.

Cekap tahsh okii'inaan, “Taka wiintamawihshin aaniin eshinihkaasoyan.” O'o tahsh okii'ikoon, “Wekonen tahsh wenci kakwecimiyan aaniin eshinihkaasoyaan?” okii'ikoon. Miitahsh kaa⁠ishi shawenimikotc.

Kaawiin hsa ninte ahpiihtentaakosihsii i'i kaashi naakohtooyan kahkina kaashi minotootawiyan, kaashi tepweyentaakosihkantawiyan kaye niin kitanohkii'aakan. Sahka'onaahk hsa ehtako ninkii ayaan o'o Cwaartan (Jordan) siipink kii⁠aashawishkaayaampaan, noonkom tahsh niniishwewaanakis o'o kaa‑aashawishkaayaan.

Miitahsh o'o ishi ahpii piinihsh noonkom kaa⁠kiishikaninik Isriyal kaatinowiwaatc kaa⁠onci miicihsikwaa ociihtati wiiyaahs kaashi sakihsininik pihkwaahkokanaanink, aaniihsh mii 'imaa inahke Cekapoon ociihtataaniink onookaniniink kaakii ishi saaminimintc.

Cekap tahsh kii‑ishi anami'aa, “Oo Kishemanitoo weKishemanitoomitc kaakii omihshoomihsiyaan Epaarahaam (Abraham) , weKishemanitoomitc kaye kaa⁠oteteyaan Aaisik (Isaac) , oo Tepencikeyan, kiin hsa 'o kaakii'ishiyan, ‘Maacaan kitahkiimink ishi kiiwen, ci⁠anta waapamatwaa kaye kitinawemaakanak, kika ishi'in kaye ci⁠minohseyan,’ iitok kikii'ish.

Ci⁠naatamawiyan tahsh kitishi anami'ehtawin, ci⁠papaamenimihsik niicihkiwensi Iihswaa. Nisekis aaniihsh ci⁠piishaatc ci⁠miikaashitc, omaamaama' kaye, apinoonciisha' kaye.