ខគម្ពីរពេញនិយមពី ROMANKVDVNG 8

ចែក​រំលែក

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

Kapila:nc ngo kinsudag jc sinamc ba:, cdcmanggom turnamc, cdcmanggom taycng among lutad lunnc, cdcmanggom migom donamc, cdcmanggom silomclokc du:nc attarc, cdcmanggom a:pcnc attarkvdv:dc, cdcmanggom ilanggvlangkvdv:dc, cdcmanggom bottcnc agerc, cdcmanggom taycngcba: kcvgc, cdcmanggom ru:namsok atv attarc, Kristo Jisu ngolu Ru:tumkokki Ru:ncpvncmc aipc mc:namdcm la:pansula:daglang.

Cdcmv:pc Yalodc ngolum ngoluk tormangkolo tordumsudag; kapila:nc ngolu kinmang ngolu kapc kumpcnammcji, ckvdaggom Yalodc avdc ngoluk lcgangc kumbidag sagv-gvla kvnggv:pc orv:pc gomugkvdv:dokki.

Ngolu okkom cdcmvlo scm luycn? Ru:ncpvncbv ngolukkcpc imvlo, sc:kon ngoluk birudi:dc?

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

Ma: cdc appvng ara:do ngolu mopvncmsinyam mopvya:nc ngolum sc:kob aipc mc:tonc bvkkoki.

Ngo avyc mc:sudo jc sc siyumsv:rokc ipusire: pa:namkvdv:sc ngolukkolo lcngkanpcnam amin gvnamdcm luyv:supc arc kamang.

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

Odokkc sc:kobv tani:kvdv:dok asinkvdv:dcm madagji Yalodok mc:namdcm kindag, kapila:nc mc:jvgla kumnc tani:kvdv:dok lcga:pc Yalodc Ru:ncpvnckc asin mcngkamdcmpc kumbidag.

Kapila:nc sc:kobulu Ru:ncpvnckc Yalodokki gvbonampc idagnc cdcbulu Ru:ncpvnckc aowo.

Kapila:nc cdc sc:kobulu adinamvrdcmpc turdoji buluk asinkvdv:dcm adinamvrpc mc:nam attarkvdv:do mcnggabdag, cmpige:la cdc sc:kobulu Yalodcmpc du:do-dagdoji buluk asinkvdv:dcm Yalodok attarkvdv:do mcdag.

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

cdc Yalodc avdcvng ngoluk yalokvdv:d lukanbidag jc ngolu Ru:ncpvnckc ommangc, odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

Kapila:nc adinamvrdo mcnga:nc asindc Ru:ncpvnckokki mirupc inamc; cdc Ru:ncpvnckc lujvglurodok lukamdcmpc tadmang, ncrkvgpc cdc tadla:mang

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung

Ngolu kindag jc ru:nampaksci svgvn-gvnna ommang pangkolo kinamcmpc kabgo:sula lckko:pc su:paklo:pc dung.