ខគម្ពីរពេញនិយមពី ROMANKVDVNG 6

ចែក​រំលែក

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

Kapcnc pa:bc nolum motapla:ma:ycbong, kapcnc nolu lujvg lurodok kcvgma:bong cmpige:la aya:dok kcvglo:mvn du:la.

Ngolum cdcmpila Bvk lcdulo agolo lc:to sinamlo:pc baptismo binamdokki, odomvlo jen Kristomc sikolokkcm turmokunamcmpc Abudok amingvnamdokki, ngolusin turnamlok lambcm gvpcnammc.

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

Ngolu kindagjc ngoluk aku amvrdcm Bvk lcdulo kurusdo pvtketo odomvlojen pa:b kanc amvrdcm momvgmosvgycpc cmna, odokkc ngo cdvlosin pa:blok pagbopc ima:dopc cmna.

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

Cdcmpcmvlo ngolu pa:bcm itvla du:ycnci? Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

Nolu kinma:nci jc nolu sc:koikc lukamdcmpc tadycmvlo odok pagbopc idag cmna, no sc:kokc lukamdcmpc taddoji odok pagbopc ido, pa:blokkcpc, okodc sinamlo:pc gvbodagji, cdcmanggom agom lukamdcmpc tadnamdcmpc, okodc dormo inamlo:pc gvbodagji?

Cmpige:la Ru:ncpvncmc aipai binampc ika:langka, jc nolu sc:kobulu lckoncm pa:blok pagbopc ikaji asinbokki luyir agom tadncpc ikang okodcm nolu tadpc cmna tolvgtoji; odokkc pa:blokkcm mopvnampc ila:yam, dormo inamlok pagbopc ikang.