ខគម្ពីរពេញនិយមពី GALATIANG KVDVNG 6

ចែក​រំលែក

Odokkc kajc ngolu ainc agercm gerla du:tvla gerdvryoka, Kapila:nc gaddvlo ngolu gadycku, ngolu jodi asincm mclvgma:mvlo.

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.

Yadkosuyoka; Ru:ncpvncmc moyomoka:nammang, kapila:nc tani:akonc okodcmci piddonc cdcmvng bv:sin gadycku.

Kapila:nc sc:kobv bvk avkc adin amvrdok lcgangc pidycnc adindokkcm aisi:ma:ncm gadycku; cmpige:la sc:kobv Yalodokkcpc pidycnc Yalodokkcm bv lo:dvpc turnamcm gadycku.

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

Kapila:nc jodi akonc mc:yc bv atvko, cdvlo atvkosincimang, bv avdcm avyc yadsudo. Cmpige:la appvngcm bvkkc bvkkc agercm ankvsula kangkvsumotok, odokkc odo bvk atcro:do bottapc lubonsunamdok pa:ycpc odokkc bvk du:jon kumrv-ko:rvdo:mang. Kapcnc appvng tani:yc bvkkc bvkkc jo:namcm jo:supa:yc.