ខគម្ពីរពេញនិយមពី IPESIANG KVDVNG 6

ចែក​រំលែក

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.

Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna

Ru:ncpvnckc mimagmonamlok gcnam attar appv:dcm pvdlvgsutoka, jc nolu uidok yadnampanamdcm dagrasula:ycpc.

Cdcmpidag Ru:ncpvnckc mimag moddom gcnam attar appv:dcm la:toka, jc nolu aima:nc longckvdv:do morasula:ycpc, odokkc appv:dcm ingapgge:la, dagrobpc.

Cdc appv:dcm mcge:la:sin, mc:jvgdok barudcm langge:la, okodokki nolu uidok appvng dorradu:nc gvdv:dcm momitla:ycpc. Odokkc moturnamdok tornc dumlupdcm gctoka, odokkc Yalodok yogsadcm, okodcm Ru:ncpvnckc agomdc:ji.

Dagrobtok cdcmpidag, noluk vgvngkvdv:dcm arokokki yc:rcgsutok gcnamdcm gcge:la, odokkc mcngannok tadponc lutaddcm lunamckvdv:dcm noluk alcdo pvdlvgsuge:la.

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

“Nok ba:bomnang owcm mcnggclangka” (Cdc lupongarla pesul lulvgnamdc,) “jc cdc nolukkcpc ainampc iycpc odokkc jc nolu mo:pvso bojcrungko turycpc.”

Ko:kangkvdvnga, Ru:tumkolo noluk ancabukvdv:dok agomcm tadlangka, kapcnc cdc aincagomc.