ខគម្ពីរពេញនិយមពី 2 KORINTIANGKVDVNG 12

ចែក​រំលែក

cmpige:la Bv ngom luto, “Ngok aya:dc nokkcpc pv:dag, kapila:nc ngok ilanggvla:dc rcmagdowcm aiyo:pc aidag.” Ngo cdcmyam mc:po:la bottapc lubonsuyc ngok ilang gvlangma:nam kvdv:dok lcgangc, jen Kristokc ilang-gvla:dc ngokkolo du:tvla du:ycpc.

Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

Ngo bottapc lubonsupc mc:daggomsin, ngo monba:ba:ncpc imang, Kapila:nc ngo arodcm lutvyc. Cmpige:la ngo odokkc mc:to, odomvlo jen sc:ko tani:ycsin ngom kapc ka:dagnc cdcmyam mc:ma:ycpc cdcmanggom ngokolokkcm tadycpc. Odokkc ngom lungor lumamdok pv:sepv:yepc lula kvnggv:pc mc:pola bottcpc mc:namdokkc lc:pc, ta:ngko ngok amvrso bitungai, uilok lutad luncko, ngom moki:moatpc, ngok kvnggv:pc mc:pobadnam dokkcm langcrpc.