ខគម្ពីរពេញនិយមពី 2 KORINTIANGKVDVNG 1

ចែក​រំលែក

Ngoluk Ru:tum Jisu Kristokc Ru:ncpvncbv odokkc Abudc akhirba:d pa:ncpc ika:langka, aya:lok Abudc odokkc appvng ni:namlok Ru:ncpvncdc, sc:kobv ngoluk ipusire: pa:do appv:lo ngolum ni:dagji, odomvlo sc:kobulu atv ipusire: pa:ycmvlo ngolu ni:la:ycpc, oko ni:namdokki ngolum avycsin Ru:ncpvnckc ni:namdokki ni:doji.

Kapila:nc ngolu kapc pv:namkopc Kristokc ipusire:ycm ikosudonc, cdcmpila Kristokokki ngolu pv:sepv:yepc ni:namscmci pa:mvndo.

Kapila:nc, ngolu mc:to jc ngolum mokedopc lulvg agomcm pa:tobong; cmpige:la cdc ngolum ngoluk avkolo mc:rasudopc imoge:mang cmna cmpige:la Ru:ncpvnckolo sc:kobv sinncm turmodokunc bvkkolo:pak.

Cmpige:la cdc Ru:ncpvncbv:mvn sc:kobv nolukkokokki aiyo:pc du:moncdc, odokkc ngolum togc:lvgto; Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

Ngolu jodi ipusire: pa:du:mvlo, cdc noluk asin mc:pcnam lcgangc odokkc motunam lcgangc; odokkc ngom jodi asincm mc:pomodu:mvlo, cdc noluk asin mc:po lcgangc, okodcm nolu pangkvsudu:nc cdvlo nolu mentumsudanna c:mo:pin ipusire:dcm pa:la du:donc cdc ngoluk ipusire: pa:namdcmmvng.