ខគម្ពីរពេញនិយមពី 1 TIMOTI: 6

ចែក​រំលែក

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

Kapcnc murkongcm aipc mc:bonamdc appvng aima:n agerlok appvrc, cdc cdcmpc mc:bonamdc jc akke bulu mc:jvgkvdv:dokkc gvyotla gvpakka:bong odokkc buluk asinkvdv:dcm bojcrung dvgnamkokki nvgkesungaptobong.

Dormo Kanamno bottcru:nc la:bko dung mc:tv:sumvlo

kapcnc ngolu mo:pvso:pc okkomsin bommang, odokkc ngolu mo:pvsokkcm okkomsin bomnang kumang

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

Cmpige:la cdc sc:kobulu mircmpc cmna mc:dagnc ka:bo-mc:bonam lendag, keteplo pandag, bojcrungko kinma:pa:ma:nam odokkc mojog-morognam mc:namcm mc:dag cdc tani: kvdv:dcm sinamno:pc obudsumodag odokkc omvgosvgsunamlo:pc.

Bulu ainc agercm gerpa:yc, ainc ager gernam kvdv:lo mitc-mircmpcmvlo, bipaknam attarcm bijo:pcnamc odokkc ammem ayang abola, cdcmpc ro:yampokc lcgangc bulu av-avyc ainc dunggcngko mosa:yc odomvlo jen bulu turla du:namdc gagla du:bomycpc okodc ncrkvgpc turnamrungcji.