ខគម្ពីរពេញនិយមពី Markus 6

ចែក​រំលែក

Mo oras na, atuli mamo isi lako-pait le nuting Yesus. Didiin Un nol Un ima-ii las, kaa nal bahan lo. Kon nam Yesus tek Un ima-ii las noan, “Maa le kit laok nuting mana mesa, man muik atuil lo, le kit teen in kae buit se na.”

Kon Yesus tekas noan, “Meman baktebes! Atuli li kom in todan Ama Lamtua Allah mee-baah man in maa deng iung didang ngas dui, mo in deng ingu mes nol one ngas sam, oen todan isi lo'.”

Nikit Yesus niu deng lui la kon, Un ngat tam atuli mamo natang Una. Tiata Un dalen kasiang nol one, lole oen banansila el lae-blai man muik atuil in lolo-poa lo ka. Hidi kon Un tui oen deng Ama Lamtua Allah in koma ka

Mo atuil nas dalen nas didi isi nol oen dai parsai se Yesus lo'. Tiata Un herang, nol Un pake Un kuasa la le tao taad herang mamo se maan na lo'. Un suma taih banan atuil in heda ngas at ila lo siis. Hidi kon, Yesus lako papmes ingu-iung in dadani se na ngas, le tui atuli las deng Ama Lamtua Allah in koma ka.

Hidi nam, Yesus kat ruti bua lim nas nol ikan dua nas. Un ngada lako el apan nua, le nodan mamo se Ama Lamtua Allah. Hidim Un bilas-bilas ruti las, le bel Un ima-ii las, halin oen laok bating bel atuil hut mamo nas. Un beles ikan dua nas le laok bating bel atuli las kon. Oen totoang kaa didiin silis. Kaa hidi kam, Un ima-ii las kat nakbuan in kaa lisin nas, inu fuli hngul dua.